Munaı-gaz múmkindigi

Energetıka mınıstri Alma­sadam Sátqalıevtiń aıtýynsha, Úkimet eldegi ınvestısııalyq ahýaldy jaqsartý boıynsha dáıekti strategııany ustanady.

«Búgingi tańda biz jalpy ınvestısııa kólemi 9 mlrd dol­lardy quraıtyn 6 kelisim­shart­qa qol qoı­dyq. Barlyq múd­deli ta­raptardy osy salada bir­lesken jobalardy júze­ge asyrýǵa shaqyramyz. Qazaq­stan úshin qysqa jáne uzaq mer­zimge arnalǵan taǵy bir basymdyq – kómirsýtegi shı­kizatyn tereń óńdeý, atap aıt­qanda, munaı-hımııa salasyn damytý. Jalpy, osy sala­da­ǵy áleýetti jobalardy mem­le­kettik qoldaý barlyq qajetti ınfra­qurylym men salyqtyq preferen­sııalardy, sonyń ishinde jer, múlik salyǵy, qosylǵan qun jáne kedendik baj salyǵyn qosa alǵanda, 0%-dy qamtamasyz etedi», dedi mınıstr.

Jıynǵa qatysqan «Qaz­MunaıGaz» (KMG) basshysy Ashat Qasenov sheteldik seriktester qyzmetindegi otandyq qamtý úlesine qa­tys­ty pikir bildirdi.

«Halyqaralyq kom­pa­nııalarda otan­dyq jet­kizý­shilermen of­f­teık-ke­lisimsharttar ja­saýǵa qa­tysty prosedýra engizilgen. Jergilikti jańa óndiristerdi yntalandyrý barysynda halyqaralyq munaı-gaz kompanııalary bul múmkindikti paıdalanady dep oılaımyz. QMG otandyq qamtýdy qoldaýǵa da kóńil bóledi. Máselen, birneshe apta buryn polıetılen óndiretin zaýyt qurylysyn bastadyq. Oǵan baǵan-splıtterdi jetkizýdi «AtyraýNefteMash» JShS iske asyrady. Jalpy, jyl basynan beri 83 offteık-kelisimshartqa qol qoı­dyq», dedi.