Sýret: ru.freepik.com
Úkimet qoldaýymen egistik jáne jınaý jumysyna jylyna 5% mólsherlememen 580 mlrd teńge bólinedi. Onyń ishinde 100 mlrd teńgesi jeńildetilgen lızıngke baǵyttalǵan. «Damý» qory nesıe somasynyń 85%-yn kepildendirýge múmkindik beredi. Aýyl sharýashylyǵy vıse-mınıstri Erbol Tasjúrekovtiń aıtýynsha, fermerlerdiń jeńildetilgen mólsherlememen lızıngke tehnıka alý múmkindiginen basqa, keıinnen ınvestısııalyq sýbsıdııalaý tetigi sheńberinde 30% ótemaqy alý múmkindigi bar.
«Bıyl Úkimet 2028 jylǵa deıin aýyl sharýashylyǵy ónimderin óńdeýdi damytýdyń keshendi josparyn qabyldady. Jaqynda aýyl sharýashylyǵy ónimderin óńdeýmen aınalysatyn kásiporyndar qatysa alatyn jańa jeńildetilgen nesıelendirý baǵdarlamasy iske qosylady. Olar 5% mólsherlememen nesıelerdi otandyq shıkizat satyp alý úshin paıdalana alady. Qazirgi ýaqytta osy maqsatqa 30 mlrd teńge bólý máselesi qarastyrylyp otyr», dedi E.Tasjúrekov.
Onyń sózinshe, 2025 jyldan bastap agroónerkásiptik kesheni sýbektisi sýbsıdııa alýǵa ótinim bermeı, birden arzanyraq nesıe alýǵa múmkindik ashylyp, qarjy ınstıtýttaryn tikeleı sýbsıdııalaý bastalady.
