Odaqqa Túrkııa da qyzyǵýshylyq tanytty

 Ankarada Qazaqstan elshisi Janseıit Túımebaevtyń, Reseı elshisi Andreı Karlovtyń, Belarýs elshisi Andreı Savınnyh pen Qyrǵyzstan elshisi Ibrahım Júnisovtiń qatysýymen jetekshi túrik buqaralyq aqparat quraldary ókilderine arnalǵan baspasóz máslıhaty ótti. Is-shara 2015 jylǵy 1 qańtardan bastap iske qosylǵan Eýrazııalyq ekonomıkalyq odaqqa (EAEO) arnaldy. Is-shara barysynda spıkerler EAEO qurý maqsattaryna, atap aıtqanda, Odaqqa múshe memleketter halyqtarynyń ómir súrý deńgeıin kóterýdi kózdeıtin el ekonomıkalarynyń turaqty damýyna baǵyttalǵan máseleler týraly áńgimeledi. Taýarlardyń, qyzmetterdiń, kapıtaldyń jáne eńbek resýrstarynyń Odaq ishinde erkin aınalymyna, ǵalamdyq ekonomıka jaǵdaıynda ulttyq eko­nomıkalardyń kooperasııalan­ýyn jáne básekege qabilettiligin qamtamasyz etý máselelerine basa nazar aýdaryldy. J.Túımebaev eýrazııalyq ınte­grasııa ıdeıasyn alǵash ret 1994 jyly Qazaqstan Respýb­lı­kasynyń Prezıdenti N.Á.Nazar­baev aıtqan dep atap ótti. Ol el­deri­miz 20 jyl boıy Táýelsiz Mem­le­ketter Dostastyǵy, Eýra­zııa­lyq ekonomıkalyq qoǵamdas­tyq, Keden odaǵy jáne Bir­tutas ekonomıkalyq keńistik táji­rıbelerinen ótip, endi júzege asyrylǵanyn atap kórsetti. Qazaqstan elshisi EAEO-nyń barshaǵa ortaq halyqaralyq quqyq qaǵıdalary, onyń ishinde Odaqqa múshe memleketterdiń egemendik teńdigi men aýmaqtyq tutastyǵy, saıası qurylymyn ózara syılaý, ózara tıimdi yntymaqtastyqty, taraptardyń ulttyq múddelerin jáne teń quqyqtaryn qamtamasyz etý, naryqtyq ekonomıka men jaýapty básekelestikti saqtaý qaǵıdalary negizinde qurylǵanyn málimdedi. Reseı, Belarýs jáne Qyr­ǵyzstan elshileri EAEO-ǵa qaty­sýshy elder eko­no­mıka­larynyń jáne áleýmettik salalaryn damytý, halyqtarynyń hal-ahýalyn kó­te­rý sııaqty maqsattardy kózdeı­tinin aıtty. EAEO onyń maqsat­ta­ry men qaǵıdalaryn bólise ala­tyn ár memlekettiń qosylýyna ashyq. Is-sharaǵa qatysýshylar Eý­razııalyq ekonomıkalyq odaq­qa jáne onyń Túrkııamen ynty­maq­tastyǵyna qyzyǵýshylyq tanyt­qan túrik jýrnalısteriniń suraq­taryna jaýap berdi. «Egemen-aqparat».