Qazaqstanǵa tuńǵysh ret

AQSh Qarýly kúshteri úsh túriniń joǵary serjanttyq quramynyń ókilderi keldi Astanadaǵy Ulttyq qorǵanys ýnıversıtetinde Qazaqstan Respýblıkasy men Amerıka Qurama Shtattary qarýly kúsh­teri joǵary serjanttyq quramynyń sımpozıýmy bastaldy. Eki eldiń ókilderi ótken jyl­dar­daǵy ekijaqty áskerı ynty­maq­tastyq salasyndaǵy jetis­tik­ter men serjanttar júıesi­niń damý perspektıvalaryn  tal­qy­laıdy dep josparlanýda. Atalǵan sım­pozıýmnyń ereksheligi – Qazaq­stanǵa tuńǵysh ret AQSh Qarý­ly kúshteriniń birden úsh túri­niń joǵary serjanttyq qura­mynyń ókilderi kelýinde. Olar: komandalyq serjant-maıor, AQSh QK Ortalyq qolbasshylyq qurlyq áskerleriniń (ARCENT) bas serjanty Ronnı Kellı, komandalyq sheber bas starshına Skott Flemıng, AQSh ÁTK (NAVCENT) 5-shi flotynyń bas starshınasy-komandalyq sheber-serjant Reımon Kolon-Lopes,  AQSh ÁÁK (AFCENT) qolbasshylyǵynyń bas serjanty. Olardan basqa, AQSh QK qatardaǵy jaýyngerler men serjanttar quramyn daıarlaý júıesin damytý salasyndaǵy sarapshylar toby keldi. Eki eldiń sarapshylar toby­nyń mindeti – birlese otyryp kelisimshart boıynsha áskerı qyz­metke kandıdattardy irikteý jáne daıarlaý salasynda dúnıejúzilik tájirıbeni zertteý, oqý-jattyǵý orta­lyqtarynda jas býyndy oqy­tý baǵdarlamasy, sonymen qa­tar, oqy­tý­dyń jańa ádisin qol­da­na oty­ryp, serjanttyq qu­ram­nyń bilik­ti­ligin arttyrý kýrs­taryn jańǵyrtý. Qazaqstan tarapynan sımpo­zıýmǵa Qarýly Kúshter Bas shtaby serjanttyq qurammen jumys jónindegi basqarmasynyń ókilderi, Qurlyq áskerleri, Áskerı-teńiz kúshteri, Áýe qorǵanysy kúshteri, Áskerı-áýe kúshteri, Áýe shabýylyna qarsy qorǵanys áskerleri, Áskerı polısııa bas basqarmasy, Qorǵanys mınıstrligi Kadet kor­pýsynyń ókilderi jáne basqa da áskerı qyzmetshiler qatysýda. Qazaqstan Respýblıkasy men Amerıka Kurama Shtattary qarýly kúshteri joǵary serjanttyq qu­ramynyń sımpozıýmy 30 qańtarǵa deıin jalǵasty. «Egemen-aqparat».