Buǵan deıin qatysýshylar onlaın formatta «Aqyl Battle» mobıldi qosymshasy arqyly, kýız formatynda irikteý kezeńderinen ótti. Zııatkerlik saıys Mádenıet jáne aqparat mınıstrliginiń qoldaýymen «Til taǵdyry – el taǵdyry» jobasy aıasynda uıymdastyrylǵan. Maqsat – jastardyń bilimge degen qushtarlyǵyn arttyryp, shyǵarmashylyq pen zııatkerlik damýǵa jol ashý.
– Bilim dodasyna bıyl alǵash ret О́zbekstannyń eń tanymal «Zakovat» zııatkerlik uıymynan «Zııaly jastar» komandasy da qatysyp, qazaq tilinde bilimin synap jatyr. «Zakovat» – 25 jyldyq tarıhy bar Ortalyq Azııada tanymal zııatkerlik oıynnyń biri. Olar júldege talaspaıdy, tek qonaq retinde qatysyp, tájirıbe almasady. Bolashaqta osy zııatkerlik uıymmen seriktesip jumys istegimiz keledi. Basty maqsatymyz – zııatkerlik oıyn arqyly túrki halyqtarynyń jastaryn biriktirý, qazaq tilin, bilimdi dáripteý. Osylaısha, bolashaqta saıysty halyqaralyq deńgeıde shyǵarýdy josparlap otyrmyz, – deıdi joba jetekshisi Bıbinur Sherbaeva.
Zııatkerlik týrnırdiń jalpy júlde qory – 3 600 000 teńge. 1-orynǵa – 1 200 000 teńge, 2-orynǵa – 900 000 teńge, 3-orynǵa – 600 000 teńge, 4-orynǵa 300 000 teńge tabystalady. Sonymen qatar basqa komandalarǵa qarjylaı yntalandyrý syılyqtary qarastyrylǵan.
– Joba – jastarǵa mańyzdy ári erekshe jarys. О́ıtkeni bilimge qushtarlyq – udaıy izdenis pen jańashyldyqqa jany qumar adamdardyń boıynda bolatyn asyl qasıet. Bul kemeldikke jeteleıdi. Dana Abaı on segizinshi qarasózinde «Teginde, adam balasy adam balasynan aqyl, ǵylym, ar, minez degen nárselermen ozbaq» degen eken. Komıtet atynan uıymdastyrýshylarǵa, kelgen qonaqtarǵa alǵys bildiremin, – dedi Mádenıet jáne aqparat mınıstrligi Jastar jáne otbasy isteri komıteti tóraǵasynyń orynbasary Birjan Álimjanov.
Buǵan deıin 20-22 mamyr aralyǵynda zııatkerlik saıystyń 1-kezeńinde «Aqyl Battle» mobıldi qosymshasy arqyly elimizdiń barlyq óńirinen 1 500-den asa jas qatysyp, 135 komanda irikteldi. Zııatkerlik saıystyń 2-kezeńi 7-20 maýsym aralyǵynda tótenshe jaǵdaı bolǵan óńirlerde onlaın «Google meet» platformasy negizinde, al qalǵan oblystarda kýız formatynda týrnırler ótip, 135 komandadan 20-sy tańdalǵan. Iаǵnı memlekettik mańyzy bar qalalar men ár oblystan 1 komandadan jáne «Kreatıvti komanda» baıqaýynyń jeńimpazdary fınalǵa joldama aldy.
– Men – tarıh pániniń muǵalimimin, jasandy ıntellekt sarapshysymyn. Irikteý kezeńderinen múdirmeı ótip, aqtyq kezeńge jetkenime qýanyshtymyn. О́ıtkeni bul – meniń respýblıkalyq deńgeıdegi alǵashqy tájirıbem. Aldaǵy ýaqytta oqýshylarymdy da alyp kelýdi josparlap otyrmyn. Topta úsheýmiz. Komanda aty – «Qyzyljar». Saıysqa daıyndyq óte joǵary deńgeıde boldy. Bolashaqta osyndaı týrnırlerdi óńirimizdiń ár aýdanynda damytýǵa óz úlesimdi qosqym keledi, – deıdi Q.Joltaıuly.
Bilim dodasyna bas júldeni Shyǵys Qazaqstan oblysynyń komandasy jeńip aldy. Birinshi oryn – Qyzylorda oblysynyń oıynshylaryna, ekinshi oryn aqmolalyqtarǵa buıyrdy. Al qola kýbokke tartysta Atyraý oblysynyń zııatkerleri oza shapty.
