Súıek kemigi donory

Ádette osy kúni gema­tologııa­lyq, onko­logııalyq, transplant­taýdy qajet etetin basqa da kúrdeli aýrýlarǵa shal­­dyq­q­an balalar men ere­sek­­terge súıek kemigi men perı­ferııalyq qan­nyń diń jasý­shalaryn berýge ke­lis­ken barlyq donorǵa qurmet kór­setiledi. Donor­­lardy tartýǵa, tir­kelim­derdi qalyp­tas­ty­rýǵa kóńil bólinip, osy baǵytta eńbek­tenip júrgen dári­gerler­diń de eńbegi eske­rýsiz qalmaıdy.

Baspasóz máslıhatynda Transfýzıologııa ǵylymı-óndiristik ortalyǵynyń basqarma tóraǵasy Sanııa Ábdirahmanova súıek kemigi donory bolǵan, Ult­tyq tirkelimge engen aza­mat­tarǵa alǵys aıtty.

«Súıek kemigi dono­rynyń dúnıejúzilik kúni 2015 jyldan beri atalyp ótip keledi. Bul kúndi Transfýzıologııa ǵylymı-óndiristik ortalyǵynyń dárigerleri de nazardan tys qaldyrǵan emes. Jyl saıyn súıek kemigi men perıferııalyq qannyń diń jasýshalaryn berýge kelisken donorlar­ǵa alǵys aıtyp, qurmet kórsetemiz. Sondaı-aq is-sharalar aıasynda eldegi qan ortalyqtarynda eńbek etetin barsha ma­man­nyń kómegimen súıek kemigi donory týraly aqpa­rattandyrýǵa kúsh salamyz, súıek kemigi trans­plantasııasynyń ma­ńy­­zyn, qandaı aýrýlar kezinde transplantasııa qajet ekenin túsindiremiz. Transplantasııa kezin­degi qaýipsizdik týraly aqpa­rat­tandyryp, súıek kemi­gi donorlarynyń Ult­tyq tirkeliminiń ju­my­sy týraly baıandaımyz. Árıne, biz mundaı is-shara­lardy tek Súıek kemigi donorynyń dúnıejúzilik kúni qarsańynda ǵana uıym­dastyrmaımyz. My­­­sa­ly, bıyl maýsym aıyn­­da «100 qadam» dep ata­latyn joba aıasynda turǵyndarǵa nasıhat júr­gizdik. Bul aksııanyń negizgi maqsat-muraty súıek kemigi donory­nyń qaýipsizdigi týraly keńinen aqparattandyrý boldy. О́ıtkeni Ulttyq tirkelim­ge kóbirek adam tartý qajet. Biz kúsh biriktirsek qana hal ústinde jatqan naýqastarǵa úmit syılap, aman alyp qala alamyz. Osy baǵyttaǵy is-shara 100 kúnge jalǵasady», dedi S.Ábdirahmanova.

Konferensııada Ulttyq súıek kemigi donorlary regıstriniń meńgerýshisi Anar Baısmaqova gemo­poetıkalyq diń jasý­shalarynyń donorlyǵy týraly baıandama oqydy. Onyń aıtýynsha, jyl saıyn elde shamamen 300 naýqasqa leıkemııa, basqa da qan aýrýlary dıagnozy qoıylady. Ári olardyń kóbine súıek kemigin aýys­­tyrý qajet bolady. Bas­pasóz máslıhatyna jasýshalary pasıentterdiń ómirin saq­tap qalýǵa sep­tigin tıgizgen súıek kemigi donorlarynyń Ult­tyq tirkeliminde turǵan donorlar da qatysty. Olar ózderiniń donor tájirıbesi týra­ly áńgimeledi.