Oblystyń jastar saıasaty máseleleri basqarmasy jastardyń ómir súrý sapasyn jaqsartý, olardyń quqyqtaryn qorǵaý, áleýmettik-ekonomıkalyq damýdy qoldaýǵa qatysty túrli baǵdarlamalardy atqaryp keledi. Almaty oblysy jastar saıasatyna ınvestısııa sala otyryp, jastardyń áleýmettenýine, kásibı damýyna, shyǵarmashylyq qabiletterin ashýǵa baǵyttalǵan mańyzdy jobalardy jiti qolǵa alyp, júıeli júzege asyrady.
«Oblysta jastardyń bilimi men kásiptik daıarlyǵyn arttyrýǵa baǵyttalǵan 41 joǵary, arnaıy oqý orny jumys isteıdi. Kásipkerlikke baǵyttalǵan «Bıznes bastaý» jobasy jastardy óz isin bastaýǵa yntalandyrady. Shaǵyn nesıeleý baǵdarlamalary arqyly 35 jasqa deıingi jastarǵa 5 mıllıon teńgege deıin qaryz beriledi. Endi óńir jastaryna «Alataý jastary» turǵyn úı baǵdarlamasynyń arqasynda baspanaly bolýǵa múmkindik týyp otyr», dedi brıfıngte sóz alǵan oblystyq jastar saıasaty máseleleri basqarmasynyń basshysy Mádı Ahmetov.
Almaty oblysynda «Otbasy bankimen» birlesip «Alataý jastary» turǵyn úı baǵdarlamasynyń iske qosylatyndyǵy óńir jastaryna serpin bereri anyq. Joba 35 jasqa deıingi (qosa alǵanda) oblystyń jas turǵyndaryna jeke baspana satyp alýǵa jeńildetilgen nesıe alýǵa múmkindik beredi.
«Alataý jastary» baǵdarlamasy – jastardyń turǵyn úı jaǵdaıyn jaqsartýǵa jasalǵan qadam ǵana emes, jas otbasylardyń óz úıi týraly armandaryn júzege asyrý múmkindigi. Jyljymaıtyn múlik baǵasynyń ósýin eskere otyryp, mundaı bastamalar aımaqtyń áleýmettik saıasatynda sheshýshi ról atqarady. Baǵdarlamany iske qosý jastarǵa turaqtylyq pen bolashaqqa degen senimdilikti arttyrýǵa kómektesedi. Baǵdarlamaǵa qatysý – jaıly úı men jaıly ómir súrý jaǵdaılaryn jasaý múmkindigi, bul ásirese qazirgi qoǵam jaǵdaıynda óte mańyzdy», deıdi «Otbasy bank» AQ Almaty oblystyq fılıaly dırektorynyń orynbasary Anar Estııar.
«Alataý jastary» baǵdarlamasynyń sharttaryna sáıkes qatysýshylardyń Almaty oblysyndaǵy resmı jumys ótili bir jyldan kem bolmaýy tıis. Ony mindetti túrde zeınetaqy jarnalarynyń turaqty túsimi kórsetilgen qujatpen rastaý qajet. Sondaı-aq ótinish berýshiniń, onyń otbasy músheleriniń sońǵy 5 jylda attaryna tirkelgen jyljymaıtyn múlikteri bolmaýy tıis.
Jańa turǵyn úı baǵdarlamasyna qatysý týraly ótinishter 1-15 qazan aralyǵynda qabyldanady. Úmitkerler Qonaev qalasy, 1 sh/a, №41, «Báıterek» BO, 1 qabat, akt zaly mekenjaıynda oblys ákimdiginiń ishki saıasat basqarmasyna ótinish berýleri qajet.
О́tinishterdi qabyldaý aıaqtalǵannan keıin ákimdikten arnaıy qurylǵan komıssııa jınalǵan upaılaryna sáıkes baǵdarlamaǵa qatysýshylardy irikteıdi.
Upaılar qalaı esepteledi?
– jumys ótili – 1 jyl jumys ótili – 2 ball, qalǵan árbir jylǵa
1 ball (5 jylǵa deıingi jumys ótili eskeriledi);
– otbasylyq jaǵdaıy – tirkelgen neke – 5 ball, turmys qurmaǵandar – 1 ball;
– 18 jasqa deıingi balalardyń bolýy – bir bala úshin – 2 ball, eki, odan da kóp bala úshin – 1 ball;
– memlekettik qyzmetshiler, bıýdjettik uıymdardyń qyzmetkerleri – 5 ball;
– jaldamaly páterdi óteý týraly kelisimi bar bıýdjettik uıymdardyń qyzmetkerleri (kóship kelgen, qabyldanǵan memlekettik qyzmetshiler) –10 ball;
– depozıtinde kemi 500 myń teńge salymy bar bank klıentteri – 2 ball.
О́tinishterdi qabyldaý aıaqtalǵannan keıin qatysýshylardyń tizimi jasalyp, «Otbasy bankine» jiberiledi. Qatysýshylar jumys kúnderi saǵat 10:00-18:00 deıin Qaskeleń qalasy, Tóle bı kóshesi 50/1 nemese Ile aýdany, О́tegen batyr aýyly, Tıtov 13a mekenjaılaryndaǵy «Otbasy bankiniń» bólimshelerinde tólem qabilettiligin baǵalatýlary qajet. Izinshe óz kúshterimen baspana tabýlary kerek. Ony satyp alýǵa bank 18 mln teńge nesıe beredi. Eger múliktiń quny 18 mln teńgeden asatyn bolsa, úmitker aıyrmashylyqty óz qarajaty esebinen tóleı alady.
Baǵdarlama qatysýshylary baspanany alǵashqy naryqtan (paıdalanýǵa berilgen bolýy tıis), sondaı-aq ekinshi naryqtan turǵyn úı (páter nemese jeke úı) satyp ala alady.
Alǵashqy jarna 10% quraıdy. Nesıege syıaqy mólsherlemesi jyldyq 6%-ǵa teń (JTSM 6,2% bastap 6,8% deıin). Nesıeniń merzimi – 19 jylǵa deıin.
Almaty oblysy
