Foto: Astana ákimdigi
«Múmkindigi shekteýli jandarmen jáne qoǵamdyq uıymdardyń ókilderimen, sol sııaqty erekshe balalardy tárbıelep otyrǵan ata-analarmen turaqty túrde kezdesip turamyn. Birlese otyryp, erekshe qajettilikteri bar adamdardyń ómir súrý jaǵdaıyn jaqsartamyz.
Kezdesýde ınvataksı, halyqtyń qaýqary az toptary úshin qoljetimdi orta, trotýarlar men aıaldamalardyń yńǵaılylyǵy jáne t.b. máselelerdi talqyladyq. Jańa qoǵamdyq keńistikter men aýlalardy, jaıaý júrginshiler trotýarlary men joldardy abattandyrý barysynda barlyq sanattaǵy adamdardyń múddelerin eskeremiz», dep jazdy qala ákimi jelidegi paraqshasynda.
Jeńis Qasymbek qaladaǵy ınvataksı qyzmetine qatysty aqparat usyndy. Ol elordada jyl saıyn ınvataksı sany artyp jatqanyn tilge tıek etti.
«Máselen, buryn 50 kólik bolsa, alǵashqy kezeńde 113 kólikke deıin arttyrdyq. Qazir ınvataksı sany – 147. Biraq bul da qalanyń qajettiligin tolyq qamtı almaıdy. Sol sebepti olardyń sanyn arttyrýdy ary qaraı da jalǵastyramyz», delingen jazbada.
Sonymen qatar ákim mektepter men balabaqshalarda ınklıýzııany qoldaý kabınetterin ashý, osy sanattaǵy adamdarmen jumys isteý úshin mamandardy oqytý jumystary jalǵasyn tabatynyn aıtty.
Kezdesý barysynda kóterilgen máselelerdi sheshý jumysy qolǵa alyndy», - dep jazdy elorda ákimi.
