О́tken oqý jylynda atqarylǵan is-sharalar týraly ujym jáne qoǵam aldynda esep bergen ýnıversıtet rektory Janar Temirbekova osyndaı derekter keltirdi.
Túrkistan oblysynyń qurmetti azamattary, oblys jáne qala ákimdiginiń ókilderi, qoǵam belsendileri, oblystyq máslıhat depýtattary, oblystyq aqsaqaldar keńesiniń músheleri, BAQ ókilderi, ýnıversıtet ujymy men stýdentter qatysqan jıynda Janar Temirbekova oqý ornynyń qaıta qaralǵan mıssııasy jáne starategııalyq muratymen tanystyrdy. Sonymen qatar ótken oqý jylynda akademııalyq, ǵylym, medısına, áleýmettik, sharýashylyq jáne ózge de baǵyttarda atqarylǵan aýqymdy sharalar týraly aqparat berdi.
Ýnıversıtet 2023-2024 oqý jylynda 993 bilim grantyn jeńip alǵan. Iаǵnı 2022-2023 oqý jylymen salystyrǵanda grant sany 34% artqan. Ýnıversıtet qabyrǵasynda «Jemis jıdekterdi óńdeý óndiristik sehi», «Turkistan EdTech Lab» Soursera ortalyǵy, «Nanotehnologııalar jáne energetıkaǵa arnalǵan jańa materıaldar», mıkrobıologııa jáne bıotehnologııa, mekteptegi bıologııany oqytýdyń ınnovasııalyq ádisteri, mıkrobıologııa jáne vırýsologııa zerthanalary, jańa ortalyqtar iske qosyldy. Jyl kóleminde 150-ge jýyq ǵylymı is-sharalar uıymdastyryldy. 18-ge jýyq halyqaralyq deńgeıdegi konferensııalar men kongrester ótti.
Ǵalymdardyń maquldanǵan granttyq jobalar sany da kóbeıdi. Ýnıversıtet ǵalymdarynyń granttyq jobalary aıasynda «STEM jáne kreatıvtilik» oqý-zerthanasynda ǵalymdar 3D-prınterler men basqa da jabdyqtardyń kómegimen teleskop jasap shyǵardy.
Sondaı-aq ýnıversıtet rektory ótken oqý jylynda 15 068 518 teńge kóleminde oqýlyqtar men elektrondy kitap satyp alynǵanyn, jalpy kitap qory – 517 138 bolǵanyn atap ótti. О́tken oqý jylynda 7 oqytýshy Qazaqstan Respýblıkasynyń «Úzdik oqytýshysy», 10 oqytýshy – «Bolashaq» halyqaralyq stıpendııasynyń ıegeri atandy. Ýnıversıtet ǵalymdarynyń 9 ǵylymı jobasy granttyq qarjylandyrýǵa ıe boldy.
«Oqý ornynyń klınıka-dıagnostıkalyq ortalyǵy – Túrkistan qalasy boıynsha ótken jyly táýlik boıy alǵashqy úshinshi deńgeıdegi ınsýlt naýqastaryn qabyldaı bastady. Nevrologııa jáne ıntervensııalyq neırohırýrgııa salalaryndaǵy oblystyq mańyzdy klınıkaǵa aınaldy. О́tken oqý jylynda ýnıversıtet oqý ǵımarattary men jataqhanalardy jóndeý, ózge de qajetti sharýashylyq jumystary júrgizildi. Máselen, ýnıversıtettiń jáne demeýshilerdiń qoldaýymen, oqý ornymyzdyń burynǵy rektorlary jáne belgili professorlar Lesbek Tashımov pen Serik Pralıev atyndaǵy oqý zaldary ashyldy. Fılologııa fakýltetiniń akt zaly, QR Halyq artısti, professor Raıymbek Seıtmetov atyndaǵy sahna zaly jańa keıipke endi. Sondaı-aq, osyndaı qarqyndy jumystar aıasynda QR Halyq artısti, professor Qajybek Bekbosynov pen QR Halyq artısti, professor Rahıma Jubatýrova atyndaǵy qos aýdıtorııa da ashyldy. №6 ǵımaratynyń sport zaly da zamanaýı qalypqa keltirilip, aǵymdaǵy jóndeýden ótti. Sharýashylyq jumystary munymen shektelmeıdi», dedi Janar Temirbekova.
Jıyn sońynda oblystyq Aqsaqaldar alqasynyń tóraǵasy Jarylqasyn Áziretbergenov bastaǵan qazynaly qarııalar ýnıversıtettiń kórkeıe berýin tilep, aq batasyn berdi.
