Esirtkige táýeldi etetin quraldardyń biri – jarnama. Sondyqtan onyń taralýyna qarsy jazýlardy boıaýǵa 15-ke jýyq erikti qatysty. Naýqandy Astana qalasynyń Ishki saıasat basqarmasy Kólik jáne kommýnıkasııa joǵary kolledjimen birlese uıymdastyrdy.
– Mundaı is-sharalar óskeleń urpaqtyń ómirge sanaly kózqarasyn qalyptastyrý, olardyń bolashaǵyna kóbirek kóńil bólý úshin mańyzdy. Jastardyń sheshim qabyldaýdy úırenip, ómirge durys kózqarasy qalyptasqanyn qalaımyn, – deıdi «Jańarý sybaılas jemqorlyqqa qarsy jalpyulttyq qozǵalys» RQB fılıaly tóraǵasynyń orynbasary Dáýletkereı Rahmetýllın.
Qoǵamdyq máselelerde jastardyń belsendiligi basym. Bul bir jaǵynan olardyń ustanymyn qalyptastyrýǵa sep bolady.
– Biz nashaqorlyq máselesine beıjaı qaramaımyz. Osy is-sharaǵa alǵash ret qatystym. Bul – ózimniń azamattyq ustanymymdy bildirýdiń bir joly, – deıdi stýdent Dıas Baltabaev.
Sondaı-aq Astanada osy baǵyttaǵy reıdtik is-sharalar uıymdastyryldy. Ilkimdi iske Almaty aýdanynyń ákimdigi, prokýratýrasy jáne polısııa basqarmasy uıytqy boldy. Buǵan qosa «Jastar resýrstyq ortalyǵy» kommýnaldyq memlekettik mekemesine qarasty volonterler de kómekke keldi.
– Naqty baǵyt – esirtki jáne sıntetıkalyq zattardyń jarnamasyn joıý. Iаǵnı aýdandaǵy úıler men mekemelerdiń qabyrǵalaryna, trotýarlar men jolǵa jazylǵan esirtki jáne sıntetıkalyq zattardyń jarnamasy bolýy múmkin túrli graffıtı, QR-kodtar, jazbalar, sýretter óshirildi. Qazirgi kezde jazbalar men sýretterdiń polısııa anyqtaǵan 15-ke jýyq túri belgili. Budan basqa da syzbalardy tazalaımyz. О́ıtkeni bul vandalızmge jatady. Aksııa aldaǵy ýaqytta da jalǵasady, – deıdi Almaty aýdany ákimdigi ishki saıasat bóliminiń basshysy Aıbyn Aıdynuly.
