Foto: https://qazaqconcert.kz/ru/
Qazaqkonserttiń «Halyq qazynasy» ulttyq óner ortalyǵy kórermen nazaryna Qoıandy, Kókjar, Qaraótkel syndy taǵylymy mol tarıhı jármeńkelerdi jańǵyrtqan, dástúrli ónerdiń barlyq tustaryn qamtyǵan jańa formattaǵy dýmandy keshin usyndy.
Konsertte Qazaqstannyń eńbek sińirgen qaıratkerleri Janǵalı Júzbaı, Qumarbek Qalqataı, Ardaq Balajanova, Elmura Jańabergen, Aıgúl Elshibaeva, Raýshan Orazbaeva, Aızat Qarabekova, Nurbolat Arzamasuly, mádenıet qaıratkerleri Tolǵanbaı Sembaev, Erbolat Shaldybekov, Mádenıet salasynyń úzdigi Perızat Turarova, «Daryn» jastar syılyǵynyń laýreattary Asqar Muqııat, Kúnsulý Túrikpen, halyqaralyq baıqaýlardyń laýreattary Aqerke Tájibaeva, Dinıslambek Jaılaýbaı, Birjan Aıtahmetov, Alıhan Dúısenbaı, Venera Tabys, Darııa Bekpenbetova, Aıaýlym Qamajan óner kórsetti.
Buǵan qosa, «Astana sazy» memlekettik folklorlyq ansambli men «Birlik» bı ansambli ónerlerin ortaǵa saldy. Sahnaǵa bir mezette shyqqan barlyq ónerpazdar naǵyz óner jármeńkesiniń atmosferasyn sheber jetkize aldy. Qazaqkonserttiń óner maıtalmandary kórermen nazaryna ultymyzdyń áýelegen ásem ánderin, kúmbirlegen kúı men jyr jaýharlaryn, tól ónerimizdiń úzdik úlgilerin pash etti.
