Tulparterapııa toby Máskeýden júldeli oraldy

Alty jyl buryn Shyǵys óńirinde bastalǵan ıppoterapııalyq emdeý sharalary búginde oń nátıjelerge qol jetkize bastady. Babalarymyzǵa syry málim jylqy terapııasy jóninde byltyr egjeı-tegjeıli jazǵan bolatynbyz  («EQ», 12 naýryz, 2014 jyl). Taıaýda óskemendik órender Reseı astanasynda ótken D.Hopperı atyndaǵy kýbok úshin bolǵan týrnırden oljaly oraldy. Osy oraıda О́skemen qalasynyń ákimi Temirbek Qasymjanov at sporty boıynsha ótken týrnırdiń qatysýshylarymen kezdesip, jarymjan jasóspirimderdi jeńisimen quttyqtady. Máskeý qalasynda múgedekter sporty onkúndigi sheńberinde ótken jarysqa Reseı men Qa­zaq­stannan barlyǵy 15 komanda­ qatysqan eken. О́skemendegi «Aq­taı» múmkindigi shekteýli balalardy qoldaý qory» qoǵamdyq birlestiginiń komandasy elimizdiń namysyn qorǵady. Bes sportshydan quralǵan qurama sapyndaǵy múmkindigi shekteýli balalar úzdiksiz jattyǵý nátıjesinde at qulaǵynda oınaıtyn dárejege jetipti. Máselen, atalǵan týrnırde Aıǵanym Ermekova «Pa­ralımpıalyq júris» tár­tibindegi paralımpııalyq baǵdarlamada, Dıas Eskermesov, Darıa Iva­nova, Áıgerim Qumarbekova, Faık Nasıbov «Júris» jáne «Soqpaq» tártibindegi arnaıy olımpıadalyq baǵdarlamalarda óz ónerlerin pash etti. Balalar atalǵan jarysqa al­ǵash ret ata-analarynsyz, tek ko­manda jetekshisi men jat­tyq­tyrýshylarynyń bas­taýymen bardy. Máskeýdegi «Planernaıa» olımpııalyq oqý-sporttyq ortalyǵynda ótken jarysta qazaqstandyq balalar 15-20 jyldyq ótili bar kánigi sportshylarmen básekege túsip, az jylda aıtarlyqtaı tájirıbe jınaqtaǵandyqtaryn baıqatty. Temirbek Jumaqululy Máskeýde óskemendik órenderdiń joǵary deńgeıde óner kórsetkenin jetkizdi. Máselen, Dıas óz dıvızıonynda úzdik nátıje kórsetip, 1-oryndy jeńip aldy. 1999 jyly týǵan D.Eskermesov týabitti gıdrosefalııamen aýyrady. 2011 jyldan beri «Úlbi» ortalyǵynda em alyp keledi. Ata-anasy Dıastyń shyǵarmashylyq qabiletin shyńdaýǵa kóp kóńil bóledi. Ol fortepıano sabaǵyna qatysyp, vokalmen shuǵyldanady. Ásirese, «Alǵa, qazaq jigitteri!», «Qazaqstan» syndy otanshyldyq rýhtaǵy ánderdi aıtqandy unatady. 2013 jyly ıppoterapııamen aınalysa bastaǵan ol byltyr at sportyna beıimdelý tobyna qosyldy. Jalpy, shyǵysqazaqstandyq komanda qorjynynda 1 altyn, 5 kúmis jáne 2 qola medal bar. Jerlesterimizdi jeńiske jetelegen jaıttyń biri – birneshe jyl buryn oblys basshylyǵynyń qoldaýymen boı kótergen «Aqtaı» jabyq maneji men ıppoterapııa ortalyǵynda júrgizilgen sapaly daıyndyq deýge bolady. Múmkindigi shekteýli balalardy atqa otyrǵyzý arqyly emdeıtin keshendegi keshendi sharalardyń nátıjesi ótken jyly da kóringen. О́skemende byltyr tamyz aıynda múmkindigi shekteýli jandardy at sportyna beıimdeýden halyqaralyq jarys ótip, oǵan Qazaqstannan – 14, Reseıden 18 sportshy qatysqan bolatyn. 2013 jyldan beri ıppoterapııa ortalyǵy bıýdjettik negizde qarjylandyrylyp keledi. Osy arqyly 112 múmkindigi shek­teýli bala atqa minip, ıppo­te­rapııalyq em-dom alýda. Atal­ǵan jumystarǵa júrgizilgen sa­raptamalardyń nátıjesi boıynsha, ıppoterapııanyń naýqastarǵa fızıkalyq turǵydan qımyl-qozǵalysyn jaqsartýǵa, sondaı-aq, kóńil-kúıin kóterýge erekshe yqpal etetini baıqalǵan. Dýman ANASh, «Egemen Qazaqstan». О́SKEMEN.