IIM
Shilde aıynan bastap Ishki ister mınıstrligi Qazaqstanda qujatsyz turatyn adamdardy anyqtaı bastaǵan.
Olarǵa qujattardy rásimdeýde kómek kórsetiledi. Kóbinese bul sanatqa turaqty mekenjaıy joq adamdar, shalǵaı aýdandarda jáne sharýa qojalyqtarynda turatyn adamdar kiredi.
Qazirgi ýaqytta Qazaqstanda 404 qujatsyz adam bar. Olardyń 200-i eldiń azamattary dep tanyldy, 14-i azamattyǵy joq adamdar. Qalǵandary boıynsha tekserý jumystary júrgizilýde.
«Eger azamattarǵa qujatsyz turatyn adamdar týraly málimet belgili bolsa, turǵylyqty jeri boıynsha kóshi-qon qyzmetine júginýdi suraımyz. Quqyqtyq kómek kórsetý jáne bilikti keńes alý úshin ár óńirde jaýapty qyzmetkerler bekitilgen», – delingen habarlamada.
Týyndaǵan suraqtar boıynsha aqparat alý úshin Kóshi-qon qyzmeti komıtetine kelesi telefondar arqyly habarlasýǵa bolady:
+7 (701) 171-82-28;
+7 (7172) 71-40-73;
71-44-10.
