Burymdy qyz

Bul chellendj qazaq qyzdarynyń ásem­digi men tabıǵı sulý­lyǵyn aıqyndaıtyn, sondaı-aq qazaqtyń baı mádenı murasyn ulyqtaýǵa arnalǵan is-shara retinde tanymal. Shash – qazaq halqynyń dás­túrinde erekshe mańyzǵa ıe. Ony tek sán úshin emes, den­saýlyqtyń, tazalyqtyń jáne sulýlyqtyń belgisi re­tinde qadirleıdi. So­nymen qatar bul qazaq má­denıetiniń jań­ǵyrýy men jas býynǵa onyń mańyzdylyǵyn jetkizý tásili ekeni anyq.

Qazirgi kezde jahandaný úrdisinde kóptegen jastar ulttyq qundylyqty elemeı, Batys mádenıetine aýytqýda. mektep jasyndaǵy qyzdar jas shybyq tárizdi, onyń túzý bolyp ósýi otbasy men mektepte alǵan tárbıesine tikeleı baılanysty. Jastardyń, ásirese mektep oqýshylarynyń  ulttyq qundylyqtarǵa bet burýyna kómektesetin mundaı bastama ulttyń bolashaǵy úshin óte mańyzdy.

«Alǵash ret 2023–2024 oqý jylynda barlyq bilim uıym­darynda elimizdiń jal­py­­adamzattyq jáne ulttyq qun­dylyqtarǵa negizdelgen saıa­saty kórinis tapqan  «Birtutas tárbıe» baǵdarlamasy engizildi. Baǵdarlamanyń maqsaty – jal­py­adamzattyq jáne ult­tyq qundylyq negizinde sanaly azamat tárbıeleý. Obly­symyzda  da atalǵan baǵdarlama óz deń­geıinde atqarylýda. Sonyń bir dáleli, oqý jyly bastalysymen Almaty oblysy bilim basqarmasyna qa­rasty barlyq orta bilim berý uıym­darynda ulttyq qundylyq­ty dáripteıtin «Bu­rymdy qyz» chellendji bas­taý aldy. Túpki máni qazaq qyzynyń beınesin saqtaýǵa baǵyttalǵan. Sonymen qatar bul aksııa qyzdarǵa ózin-ózi qadirleý men sulýlyǵyn baǵalaýdy úıre­tedi», – deıdi oblystyq bilim bas­qarmasynyń baspasóz qyz­metkeri Ardaq Asylbaeva.     

Atalǵan chellendjdi óńirdiń barlyq mektepteri bir-birinen qabyl alyp,  kórkine aqyly saı burymdylar qatysyp jatyr.

Almaty oblysy