Terrasa taqtasy

Osynyń bir úlgisin Me­tal­lýr­gııa jáne baıy­tý ınstıtýtynyń ǵalym­dary men «KazNewTech» kom­pa­nııasynyń birlesip shyǵarǵan ter­rasa taqtasynan baıqadyq. Ol aǵash-polımerlik kompozıtten óndirilgen. Ǵylym jáne joǵary bilim mınıstrliginiń taratqan aqparatyna súıensek, joba el­diń qurylys naryǵynda eleýli oryn alady. Paten­t­telgen tehnologııa boıynsha jasalatyn terrasa taqtalary jeke turǵyn úı, kom­mersııalyq, ákimshilik sek­torlardy salýda, sondaı-aq úı aýmaqtaryn abattandyrýda keńinen qoldanylady. Ashyq terrasalar, balkondar men shatyrlar qurylysyna da paıdalanylady.

Joba jetekshisi, tehnıka ǵy­­lym­­­darynyń kandıdaty El­nar Ken­jalıev taqtalardyń ınno­­va­sııalyq jaǵy, joǵary sapada jasalýy, sonymen qatar eko­lo­­gııalyq turǵyda qaýipsiz bolýy ónimniń basty artyqshylyǵy ekenin atap ótti. «Biz shıkizatqa biregeı reseptýralar jasaımyz, osyǵan qosa aǵash-polımerlik kompozıt buıymdarynyń teńdessiz sapasyn alýǵa múmkindik beretin sheshimderdi ázirleımiz. Bizdiń óndiriste turaqty sıpattamalary, birtekti quramy, sapasy, belgili bir dıspersııalyǵy, ylǵaldyly­ǵy bar polımerler paı­dalany­lady. Bul sapa men geometrııany saqtaı otyryp, parametrler, ekstrýzııa jyldamdyǵyna áser etedi. Materıaldyń beriktigin, qattylyǵyn, ylǵalǵa tózimdiligin arttyrý úshin antıoksıdanttar, addıtıvter, antıpırender jáne boıaǵyshtar sııaqty ártúrli qospa qoldanylady. Mundaı parametr­lermen jumys isteý óndiristegi aqaýdy barynsha boldyrmaıdy», dedi E.Kenjalıev.

Ǵylym men bıznes ynty­maq­­ta­s­­tyǵynyń nátıje­sinde dúnıege kelgen ónimniń sapasy qazirgi tańda Q.Sátbaev atyndaǵy Qazaq ulttyq teh­nıkalyq ýnıversıtetiniń ǵy­lymı zerthanalarynda synyq­tan ótkizilip jatyr. О́ndiris otandyq shıkizatpen jumys isteıdi, onyń ishinde qaıtalama shıkizat – qaıta óńdelgen plastıkter, aǵashtar paı­da­l­anylady. О́ndiriste ónimniń sa­pasy, normatıvtik qujattarǵa sáı­kes jasalýy baqylanady. Bar­lyq buıym sertıfıkattalǵan, tıis­ti synaqtan ótken. Osy jumys ǵylymı, ǵylymı-tehnıkalyq qyz­met nátı­je­lerin kommersııalan­dyrý job­a­laryn granttyq qar­jy­­­lan­dyrý sheńberinde iske asyrylyp jatyr.