5 qazanǵa qaraǵan túni, oblys ortalyǵynyń jeke turǵyn úı sektorlarynyń birin patrýldeý kezinde "Búrkit-253" PPV polıseıleri ashyq turǵan káriz qudyǵyna qulap qalǵan jylqyny baıqap qaldy. Jaǵdaıdyń kúrdeliligin baǵalaı otyryp, polıseıler jaqyn mańdaǵy patrýldik jasaqty kómekke shaqyrdy.
- Qutqarý operasııasy ońaı bolǵan joq: janýardyń salmaǵy men kólemi jumysty aıtarlyqtaı qıyndatty. Alaıda, Ernar Omarov pen Aıbek Tursynovtyń quramyndaǵy "Búrkit-253" PPV, sondaı-aq Darhan Esimhanov pen Serik Ordabaevtyń quramyndaǵy "Búrkit-261" patrýldik polısııa vzvod is-qımyldarynyń arqasynda jylqy aman-esen qudyqtan shyǵaryldy. Barlyq jumystar janýarǵa zııan keltirmeý úshin asa muqııat oryndaldy. Bul oqıǵa polıseılerdiń árqashan kúrdeli jaǵdaılarǵa daıyn ekenin jáne qıyndyqtardan qoryqpaıtynyn dáleldedi, - dep jazdy Almaty oblysy PD bastyǵy Baýyrjan Alenov Instagram-daǵy paraqshasynda.
