Memlekettik hatshy sıngapýrlyq ǵalymdarmen kezdesti

Keshe Qazaqstan Respýblıkasynyń Memlekettik hatshysy Gúlshara Ábdiqalyqova Nazarbaev Ýnıversıtettiń alǵashqy túlekteriniń oqý ornyn bitirýge arnalǵan saltanatty sharasy aıasynda Sıngapýr ulttyq ýnıversıtetiniń Lı Kýan Iý atyndaǵy Memlekettik saıasat mektebiniń dekany Kıshor Mahbýbanı bastaǵan ǵalymdar tobymen kezdesti. Kezdesýge Qazaqstan Respýblıkasy Bilim jáne ǵylym mınıstrliginiń, Memlekettik qyzmet isteri jáne sybaılas jemqorlyqqa qarsy is-qımyl agenttiginiń basshylyǵy qatysty. Memlekettik hatshy elder arasyndaǵy ekijaqty baı­lanystardyń joǵary deńgeıin aıtyp, dostyq qatynastardyń ny­ǵaıýyna Sıngapýr memle­ket­tiliginiń negizin qalaýshy Lı Kýan Iý-diń zor úles qosqandyǵyn atap kórsetti. Sonyń ishinde, turaqty negizde túrli deńgeıdegi delegasııalarmen ózara almasýlar jolǵa qoıylǵan. Aıtalyq, Nazarbaev Ýnıversıtet pen Jo­ǵary memlekettik saıasat mektebi strategııalyq seriktes bolyp tabylady. Gúlshara Ábdiqalyqova áńgi­me­lesýshilerge Memleket basshysy usynǵan 5 ıns­tı­týt­tyq reformany, sonyń biri – eko­nomıkalyq baǵdar­la­ma­lardy sapaly iske asyrýdy qamtamasyz etetin jáne memlekettik apparatty qalyp­tastyratyn reformany iske asyrý barysy týraly habardar etti. Memlekettik hatshy Sın­ga­pýr­dyń bul baǵytta eleýli tabysqa qol jetkizgenin atap ótti jáne Qazaqstannyń kadrlar daıarlaý, daryndy jastardy irikteý men olarǵa odan ári bilim berý, sonyń ishinde «Bolashaq» halyqaralyq stı­pendııasy sheńberinde oqytý men qoldaý salasy boıyn­sha barynsha tıimdi ynty­maq­tastyqqa daıyn ekenin bildirdi. Sybaılas jemqorlyqty túı­siný ındeksi reıtıngisiniń joǵary (7-oryn) satysyn naqtylaǵan el retinde sıngapýrlyq delegasııa óz eliniń sybaılas jemqorlyqtyń aldyn alý tájirıbesine keńinen toqtaldy. Memlekettik hatshy sybaılas jemqorlyqqa qarsy qundylyqtardy keń aýqymda na­sı­hattaý salasyndaǵy Sınga­pýr­dyń tájirıbesine Qazaqstan qy­zyǵýshylyq tanytatynyn aıtty. Kezdesýdiń sońynda Mem­lekettik hatshy G.Ábdiqalyqova Na­zarbaev Ýnıversıtettiń Joǵa­ry memlekettik saıasat mekte­bi men Sıngapýr ulttyq ýnıver­sıte­tiniń Lı Kýan Iý atyndaǵy Mem­le­kettik saıasat mektebiniń ózara tıimdi seriktestik qarym-qaty­nas­tary Qazaqstannyń adamı áleýe­tiniń odan ári sapaly damýyna sep­tigin tıgizetindigine senim bil­dirdi. Raýshan TÁÝIRHANQYZY,