Parlamentaralyq yntymaqtastyq

Keshe Astanada Qazaqstan Prezıdenti Nursultan Nazar­baev pen Qyrǵyzstan Prezıdenti Almazbek Atambaev arasyn­da 2012 jylǵy Bishkekte bolǵan kezdesýde jasalǵan usynys aıasynda Parlament Májilisiniń Tóraǵasy Qabıbolla Jaqy­pov pen Qyrǵyzstan Jogorký Keneshiniń Tóraǵasy Asyl­bek Jeenbekov eki memleket Parlamentteri arasynda Ynty­maqtastyq jónindegi keńes qurý týraly kelisimge qol qoıdy. Qol qoıý rásimi aıaqtalǵan soń Májilis Tóraǵasy Q.Ja­qy­pov pen Jogorký Kenesh Tóraǵasy Asylbek Jeenbekov Keńestiń alǵashqy otyrysyn Qazaqstan Parlamenti eki palatasy jáne Jogorký Kenesh depýtattarynyń, apparat qyzmetkerleriniń jáne BAQ ókilderiniń qatysýymen ashyq túrde ótkizdi. Ony ashqan sózinde Q.Jaqypov aldymen Parlamentaralyq keńestiń mańyzdylyǵyna toqtaldy. Keńes eki memleket arasyndaǵy saýda-ekonomıkalyq, máde­nı-gýmanıtarlyq qaty­nastardy nyǵaıtýǵa, parla­ment­aralyq yntymaqtastyqty tereńdetýge, sondaı-aq, eki­jaqty kelisim-zańnamalyq bazany jetildirýge baǵyttalǵan. – Qazaqstan Qyrǵyz Res­pýb­lıkasyn óziniń aımaqtaǵy senimdi strategııalyq árip­tesi dep sanaıdy. Bizdiń elderi­mizdiń ara­syndaǵy saıası únqa­tysýlar ashyq jáne senimdi sı­patta júrgizilýde. Eki eldiń arasyndaǵy saýda-ekono­mı­kalyq yntymaqtastyq álemdik ekonomıkadaǵy daǵda­rysqa qaramaı sońǵy eki jylda 1 mlrd. AQSh dollary kóleminen tómendegen emes. Bul úrdis Qyrǵyzstannyń Eýrazııalyq ekonomıkalyq odaqqa kirýimen saqtalyp qana qoımaı, arta túsetindigine senim mol. Ázirge, Qyrǵyz Respýblıkasynyń EAEO-ǵa ený jónindegi qujattary Májilistiń qa­raýyna túsken joq, al túsken boıda ony tezi­rek ratıfıkasııalaýǵa biz daıynbyz, – dedi Má­jilis Tóraǵasy. Odan ári Qabıbolla Qabenuly Parla­ment­aralyq keńestiń jumysyna toqtalyp ótti. Parlamentaralyq keńestiń jumys baǵyttarynyń birazy bizdiń elderimizdiń ulttyq zańnamalaryn ózara jaqyndastyrý men úılestirýdi kózdegen usynymdar ázirleýge saıady. Ekinshiden, Keńes beıindi komıtetter, parlamenttik fraksııalar men saıası toptar arasynda baılanys ornatýǵa yqpal etedi. Jalpy aıtqanda, Keńes jumysy eki eldiń arasyndaǵy ekonomıkalyq ózara áriptestikti odan ári nyǵaıtýǵa baǵyttalǵan, dedi spıker. Sonymen qatar, Q.Jaqypov eki eldiń arasyndaǵy mádenı-gýmanıtarlyq jáne álemdegi, aımaqtaǵy beıbitshilik pen turaq­tylyqty nyǵaıtý baǵytyndaǵy basymdyqtar týraly aıtyp ótti. О́zara kómek jáne ózara qoldaý bizdiń elderimizdiń arasyndaǵy yntymaqtastyqtyń uzaq jyldardan bergi negizi bolyp keledi. 2012 jyly Prezıdent N.Nazarbaev Qyrǵyzstannyń ońtústigi men soltústiginde eki jalpy bilim beretin zamanaýı úlgidegi 500 oryndyq mektepter salyp berý týraly sheshim qabyldaǵan. Sonyń bireýi saltanatty túrde ashyldy, al ekinshisiniń qurylysy jalǵasýda. Bul nysandar da bizdiń elderimizdiń arasyndaǵy baılanystardy nyǵaıtýǵa qyzmet etetinine senimdimiz, dedi Tóraǵa. О́ziniń jaýap sózinde Asylbek Jeenbekov bul oqıǵa Qyrǵyzstan men Qazaqstan Parlamentteri yntymaqtastyǵynyń jańa kezeńge ótkendiginiń kórinisi ekendigin atap ótti. Bizdiń halyqtarymyz árqashan dostyq pen kelisimde ómir súrgen. Sonymen qatar, birin biri únemi qoldap keledi. Biz osy dástúrdi bolashaq urpaqtarǵa jetkizýge mindettimiz, deı kelip, sonyń bir aıǵaǵy retinde Astanada Shyńǵys Aıtmatovtyń esimimen bir kósheniń atyn ataý týraly sheshim qabyldanǵanyn qanaǵatpen atap ótti. Al Qyrǵyzstanda qazaq halqynyń uly tulǵalary Abaı, Shoqan, Muhtar Áýezov esim­deri uly «Manas» jyrymen qatar atalyp, ulttyq maqtanyshtarymyz retinde baǵalanýda, dedi spıker. Sonymen qatar, ol Qazaqstannyń halyq­aralyq jetistikterine de qýanatynyn, al EKSPO kórmesine Qyrǵyz Respýblıkasynyń ókilderi belsendi túrde qatysatyndyǵyn aıtty. Sóziniń sońynda A.Jeenbekov qyrǵyz eli Eýrazııalyq ekonomıkalyq odaqqa enýden úlken úmit kútetinin de jetkizdi. Qazaqstandyq áriptesterimiz bizdiń Odaqqa kirý týraly qujattarymyzdy tezirek ratıfıkasııalar degen úmittemiz, dedi ol. Odan ári Jogorký Kenesh Tóraǵasy Keńestiń alǵashqy otyrysyna Qyrǵyzstan Syrtqy ister mınıstriniń orynbasary E.Otorbaevtyń qatysyp otyrǵanyn paıdalanyp, onyń Qazaqstan tarapyna qatysty birqatar aqparatyn tyńdaýdy ótindi. Vıse-mınıstr TMD elderi Syrtqy ister mınıstrleri keńesiniń jumysynan qysqasha aqpar berip ótti. Sonymen qatar, saýda-ekonomıkalyq baılanysta Qazaqstan Úkimeti tarapynan qoıylǵan keıbir kedergilerdi jetkizdi. Sonyń ishinde Qyrǵyzstannan et-sút ónimderin kirgizýge shekteý qoıylǵan eken. Alaıda, ony qazaqstandyq áriptesterimizben kelise otyryp sheshýge tıispiz. Al «Qazaqstan temir joly» kompanııasy aldyndaǵy qaryzymyz úshin «Lýgovoı» stansasynda toqtatylyp turǵan Reseıden Qyrǵyzstanǵa kele jatqan 425 vagon-sısterna janar-jaǵarmaıdy ótkizýge Parlamentaralyq keńes óziniń yqpalyn tıgizgenin qalaımyz, dedi vıse-mınıstr. Bul suraqtarǵa jaýap bergen Májilis Tóraǵasy Q.Jaqypov Qyrǵyz Respýb­lı­kasynyń EAEO-ǵa tezirek enýimen mundaı máse­lelerdiń ózinen ózi sheshiletinin atap ótti. Kelesi otyrys Bishkek qalasynda ótetin boldy. Oǵan deıin jańa uıymnyń erejesi men jumys josparynyń jobasyn daıyndaý jóninde eki el Parlamentteriniń apparattaryna tapsyrmalar berildi. Jaqsybaı SAMRAT, «Egemen Qazaqstan».