Foto: Murat Qapanuly
Belgili bolǵandaı, Qaraǵandy jaqtan kelgen órt Baıanaýyl aýdany Kúrkeli aýyldyq okrýgine qaraıtyn Jeltaý bólimshesi men Báıneke qystaǵynyń aýmaǵyna kirgen. Qatty jel órtti aýyzdyqtaý jumystaryn qıyndata tústi.
«6 qazanda Qaraǵandy oblysy Qarqaraly aýdany Qoıandy aýylynyń mańynda qurǵaq shóptiń janyp ketti. О́rt ornyna orman sharýashylyǵynyń, TJD kúshteri men quraldary jáne erikti órtke qarsy quralymdar dereý jiberildi. Aldyn ala 40 gektar alqapta janý baıqaldy. О́rtti sóndirý barysynda óńirlik TJD eki qyzmetkeri jáne erikti órtke qarsy qurylymnyń bir qyzmetkeri kúıik aldy. Olar aýdandyq aýrýhanaǵa jetkizilip, dárigerler alǵashqy medısınalyq kómek kórsetti. Keıin «Qazavıaqutqarý» AQ tikushaǵynda órtten zardap shekken taǵy bir turǵyndy Qaraǵandy qalasynyń aýrýhanasyna jetkizdi. Aldyn ala málimetter boıynsha, ol jeńil kúıik alǵan», dep habarlady QR Tótenshe jaǵdaılar mınıstrliginiń baspasóz qyzmeti.
Kúndiz dala órti Pavlodar oblysynyń shekarasynan «Baıanaýyl memlekettik ulttyq tabıǵı parkiniń» ormansyz aýmaǵyna kóshken. О́rt ornyna «Qazavıaqutqarý» tikushaqtary bardy. Tikushaq sýdy Shalqarkól kólinen qarmap alyp, saǵat 17:00-degi jaǵdaı boıynsha órt oshaqtaryna 6 ret jalpy kólemi 18 tonna sý tógilgen.
Sondaı-aq aerovızýaldy barlaý barysynda Jeltaý aýylynyń turǵyndaryn aldyn ala evakýasııalaý týraly sheshim qabyldanǵan. Qaýipsiz jerge 18 adam (8-i bala) evakýasııalandy.
«TJ vıse-mınıstri Erlan Nurpeıisov órt ornynda júr. Qaraǵandy oblysynyń ákimi de oqıǵa ornyna bardy. Qutqarýshylar toby qosymsha kúshter men quraldarmen tolyqtyryldy. О́rt ornynda Qaraǵandy jáne Pavlodar oblystarynan TJD, JAO, ETRM kúshteri jumyldyryldy: jeke quramnan 183 adam, 56 birlik tehnıka jáne 4 tikushaq. О́rttiń aldyn ala aýdany 3000 gektardan asty», dep málimdedi mınıstrlikten.
Qatty ári ekpindi jel, taýly jerler jáne órt oshaqtaryna kirme joldardyń bolmaýy órtti sóndirý jumystaryn qıyndatyp otyr.
«Jergilikti órtke qarsy qyzmet pen Baıanaýyl ulttyq parkiniń qyzmetkerleri jáne aýyl adamdary tilsiz jaýmen kúresip jatyr. Jeltaý aýyly men Báıneke qystaǵynan jalpy sany 14 adam (9 bala, 5 áıel adam) Jumat Shanın aýylyna kóshirilip, týystarynyń úıine ornalastyryldy. Qazirgi ýaqytta Pavlodar qalasynan qosymsha 3 órt sóndirý mashınasy keldi», dep málimdedi ákimdikten.
Aýdan ákiminiń orynbasary Qınaıat Talıpov qazir órt sóndirý jumystaryna qajetti janar-jaǵarmaı bólinip, jan-jaqtan tehnıkalar kelip jatqanyn jetkizdi. Al Qaratomar aýyldyq okrýginiń órt sóndirýshileri dala órtin óz aýmaqtaryna kirgizbeı, ýaqtyly sóndirip alǵan.
Atap ótý kerek, órt bolyp jatqan jerlerdiń biraz bóligi Baıanaýyl ulttyq parkiniń aýmaǵyna qaraıdy. Biraq Ulttyq park basshylyǵy naqty aqaparat usynbaı otyr.
Pavlodar oblysy
Baıanaýyl aýdany
Kúrkeli aýyldyq okrýgi
