Kollaj: Ulysmedia.kz
«Astana – keshendi áleýmettik zertteýler ınstıtýty» jeke qory «Habar» agenttiginiń tapsyrysy boıynsha 2024 jylǵy 6 qazanda ótken AES qurylysy máselesi boıynsha respýblıkalyq referendýmda daýys berý kúni exit poll (referendým ýchaskelerinen shyqqan azamattar arasynda saýalnama) ótkizdi.
«Úzdiksiz aǵyn ádistemesiniń kómegimen Qazaqstannyń 189 ýchaskesinde daýys bergen 283 519 azamat qamtyldy. Olardyn referendým aıasynda qoıylǵan «Siz Qazaqstanda atom elektr stansııasyn salýǵa kelisesiz be?» degen suraqqa qalaı jaýap bergeni suraldy. Bul rette, exit poll nátıjesinde AES qurylysyn qoldap, «ıá» dep daýys bergender sany saýalnamaǵa qatysqan adamdardyń 69,8 paıyzyn qurady. Saýalnamaǵa qatysqandardyń 30,2 paıyzy kelisimin bermegen. Ýchaskelerge kelý kórsetkishi 67,3 paıyz deńgeıinde boldy», dedi «Astana – keshendi áleýmettik zertteýler ınstıtýty» jeke qorynyń taldaýshysy Álibek Tájibaev.
