Ýnıversıtettiń damýyna zor úles qosqan ustazdardyń ómir joly, ǵylymı-pedagogıkalyq qyzmetin nasıhattaý maqsatynda uıymdastyrylǵan saltanatty is-sharaǵa ǵylym men bilimniń jarqyn bolashaǵyn talqylaý, jas ǵalymdardyń, zertteýshilerdiń ǵylymı áleýetin damytý máseleleri arqaý boldy.
«El bolashaǵy – ustazdardyń qolynda. Ulaǵatty ustazdardyń arqasynda elimizdiń pedagogıkalyq jáne ózge de salalary joǵary bilikti mamandarmen tolyǵyp jatyr. Bul, eń aldymen, ustazdar izdenisiniń, kásibine degen súıispenshiliginiń nátıjesi», – dep atap ótti ýnıversıtet rektory Gúlmıra Qanaı.
Jıynda Memleket basshysynyń Qazaqstan halqyna Joldaýynda aıtylǵan ustazdardyń biliktiligin arttyrý máselesine den qoıǵan ustazdar qaýymy bul baǵytta bilikti mamandar, kásibı muǵalimder daıarlaýdyń ózekti ekenin alǵa tartty. Jıynda ýnıversıtettiń aǵa oqytýshylary, bilim jáne ǵylym salasynda qyzmet etip júrgen túlekteri baıandama jasap, tájirıbelerimen bólisti.
Ýnıversıtettiń 1971 jylǵy túlegi, fızıka-matematıka ǵylymdarynyń doktory, professor Aınagúl Ershına ýnıversıtet basshylyǵyna ardagerler atynan alǵys bildirip, bilim salasynda qyzmet etken 40 jylǵa jýyq tájirıbesindegi ozyq ádistemesi, maman tárbıeleýdiń qyr-syry jaıynda aıtyp berdi. «Ár jetken jetistigim – qadirli ustazdarymnyń qajyrly eńbeginiń arqasy. О́z ustazdarymyzdan alǵan tálimdi keıingi tolqynǵa úıretýge tyrystyq. Sapaly bilim, zııatker qoǵam ǵana eldi alǵa súıreıtin kúsh ekenin maqsat ete otyryp, zaman kóshinen qalmaı biliktiligimizdi arttyryp, shákirtterimizge jańa zamanǵa saı bilim berip kelemin» dep atap ótti.
Kezdesý sońynda ustazdarǵa qurmet kórsetilip, arnaıy marapat tabystaldy.
ALMATY
