«Serpin» senim syılaıdy

Elimizde ınvestısııa mol quıy­latyn salanyń biri – bilim. Memleket basshysy Nursultan Nazarbaev udaıy nazarynda ustaıtyn salanyń strategııalyq mańyzy zor «Serpin-2050» baǵdarlamasy byltyr qolǵa alynǵan bolatyn. Baǵdarlama halqy tyǵyz ornalasqan elimizdiń ońtústik aımaqtaryndaǵy (Al­maty, Ońtústik Qazaqstan, Jam­­byl jáne Qyzylorda oblys­tary) jastardy kadr jetis­peýshiligi anyq baıqalatyn shyǵys, sol­tústik jáne batys óńirlerinde oqytyp, jumysqa ornalastyrýdy kózdeıdi. Atalǵan joba 2014 jyly pedagogıkalyq mamandyqtardy qamtyǵan bolsa, bıyl tehnıkalyq jáne aýylsharýashylyq  maman­dyqtaryn qamtymaq. Osy oraıda jobany iske asy­rýǵa qatysatyn joǵary oqý oryndarynyń biri bolyp bekitilgen D.Serikbaev atyndaǵy Shyǵys Qazaqstan mem­lekettik tehnıkalyq ýnıver­sıtetiniń áleýmettik damý jáne tárbıe jumysy jónindegi prorektory Jaqsykeldi Názbıev­pen áńgimelesken edik. Jaqsykeldi Túsipqanulynyń aıtýynsha, ýnıversıtetke «Serpin» baǵdar­lamasy boıynsha bıyl 450 mem­lekettik bilim granty bólindi. Baǵdarlama negizinde avtomattandyrý jáne basqarý, aqparattyq júıeler, esepteýish tehnıka jáne baǵdarlamalyq qamtamasyz etý, matematıkalyq jáne kompıýterlik úlgileý, ken isi, metallýrgııa, geodezııa jáne kartografııa, mashı­na jasaý, kólik, kóliktik tehnıka jáne tehnologııa, aspaptar jasaý, jylý energetıkasy, elektr energetıkasy, tehnıkalyq fızıka, tehnologııalyq mashınalar men jabdyqtar, qurylys, tirshilik áreketiniń qaýipsizdigi jáne qor­shaǵan ortany qorǵaý, standarttaý, metrologııa jáne sertıfıkattaý, paıdaly qazbalardy baıytý, kólik qurylysy, sý resýrstary jáne sýdy paıdalaný, orman resýrstary jáne orman sharýashylyǵy, aǵash óńdeý jáne aǵashtan buıymdar jasaý tehnologııasy syndy maman­dyqtar qamtyldy. Prorektordyń túsindirýinshe, bıyl tehnıkalyq mamandyqtarǵa granttyń kóp bólinýiniń sebebi, elimizdiń eńbek naryǵynda ın­jenerlik mamandarǵa sura­nys­tyń joǵary bolýynda. Irili-kishili kásiporyndarda, kompanııa­larda, óndiriste ınjenerler qajet. Olardyń jalaqysy joǵa­ry, áleýmettik paketpen qam­tamasyz etiledi jáne kásibı tur­ǵydan ósýdiń múmkindigi bar. Bul mamandyqtarǵa túsýde tańdaý pán­deri retinde kóbine fızıka, geografııa, hımııa alynady. Sondaı-aq, UBT balynyń joǵary bolýy mindet emes. 50 jáne odan kóp ball jınaǵandardyń barlyǵy osy baǵdarlama boıynsha oqýǵa túsý úshin memlekettik bilim grantynyń konkýrsyna qatysa alady. – ShQMTÝ-ge osy baǵdarlama boıynsha oqýǵa túskisi keletinder óz oblystaryndaǵy eń jaqyn joǵary oqý ornyna baryp, 2015 jyly 23-31 shilde aralyǵynda memlekettik bilim grantynyń konkýrsyna qujattaryn tapsyra alady. Tek aryzdy toltyrǵan kezde tańdaǵan mamandyqtyń tusyna ShQMTÝ-diń kody – 012 sanyn kórsetse boldy! «Serpin» baǵdarlamasy boıynsha túsken stýdentter jataqhanamen qamtamasyz etiledi, sondaı-aq oqýdy aıaqtaǵan soń jumysqa tu­rýyna kómek kórsetiledi. Jáne oqýǵa túsken balalardyń 2 ret úıine kelip-ketken jolaqy pu­lyn memleket tóleıdi, – dedi J.Názbıev. Zamanaýı dárishanalary men ǵylymı zerthanalary, qory bir mıllıon tomnan asatyn kitaphanasy, sport zaly, Buqtyrma sý qoımasynyń jaǵasynda orna­lasqan sport-demalys lageri, áskerı kafedrasy bar D.Serikbaev atyndaǵy ShQMTÝ-ge «Serpin» baǵdarlamasy boıynsha oqýǵa túskisi kelgen talapkerler ýnı­ver­sıtettiń www.ektu.kz saıty arqyly tolyq aqparatqa qanyǵa alady. Dýman ANASh, «Egemen Qazaqstan». О́SKEMEN.