Osy oraıda 2024-2025 oqý jylynda mektebimizdiń pán kabınetteri jabdyqtalyp, zamanaýı qurylǵylarmen qamtyldy. Eseıhan aýylyndaǵy «Qarataý» orta mektebinde hımııa, bıologııa kabınetteri zamanaýı talapqa saı jańartyldy. Joǵaryda atalǵan pán kabınetteri sabaq barysyna qajet bolatyn qurylǵylardyń barlyǵymen qamtylǵan soń, ár pánniń ereksheligine qaraı jańa partalar men oryndyqtar alyndy.
Bul kabınetterdiń taǵy bir ereksheligi, sońǵy úlgidegi sensorly teledıdar ornatylǵan. Muǵalimder sabaq barysynda ǵalamtor jelisin erkin paıdalanǵandyqtan, qajetti málimetterdi tez taýyp, sabaqtaryn jeńil júrgize alady. Iаǵnı sabaq berý úderisi edáýir ońaılap otyr. Buǵan qosa oqýshylardyń sabaqqa degen qyzyǵýshylyǵy artqany baıqalady. О́z kezeginde munyń bilim alýshylardyń pánderdi tereń meńgerýine úlken úles qosatyny, al talaptylarynyń mektepte beriletin bilimdi ǵylymmen ushtastyrýǵa múmkindik alatyny anyq.
Taǵy bir qýantarlyq jaǵdaı, mektebimizdiń burynǵy túlegi Ǵazız Bekberdıev aǵamyzdyń demeýshiligimen matematıka kabıneti de tolyqtaı zamanaýı mektep jıhazdarymen jabdyqtalyp, bıylǵy oqý jylynda qoldanysqa berildi. Mektebimizdiń Atymtaı jomart túlegine alǵysymyz sheksiz. Qoǵam múddesin ár kez bıik qoıatyn, týǵan jeriniń abyroıyn asqaqtatyp júrgen azamattardan úlgi alaıyq.
Sholpan TÁJENOVA,
Qarataý orta mektebiniń dırektory
Jambyl oblysy,
Talas aýdany,
Eseıhan aýyly
Bala júregin baýraǵan
Uly Abaı: «Balany eń áýeli meıir-shapaǵatqa, odan soń aqyl-parasatqa, aqyrynda naǵyz paıdaly ǵylymǵa, eńbekke baýly», dep ósıet etken. Kóz qýanyshy – balalaryn balabaqshaǵa bere otyryp, olardyń keleshek kelbeti men tárbıesiniń qalypty bolýyn qalamaıtyn ata-ana joq shyǵar. Sol ýaqytta balańnyń qasynda kúni boıy bolatyn tárbıeshiniń rýhanı adamgershiligi men ónegesi, bar bolmysy tazalyqqa tunyp tursa, urpaǵyńnyń da ómirden alar orny erekshe bolatynyna kúmán joq.
Osy oraıda baldyrǵandardy kúlimdep qarsy alyp, bar ónerin úıretýden jalyqpaıtyn jan týraly aıtqym keledi. Ol №22 «Álem» balabaqshasynyń tárbıeshisi – Jazıra Serkeshova. Ata-anamen durys qarym- qatynas ornata bilý, ortaq bala tárbıesi taqyrybynda erkin áńgime aıtý, balanyń jaqsy jaǵy men kemshiligin túzetýge birlese jumys isteý de – úlken jaýapkershilik, onyń kásibı qyzmetiniń basty qaǵıdaty da osyǵan saıady.
«Eń alǵash osy balabaqshaǵa qabyldap, ustazdyq joldyń qyr-syryn úıretken sol kezdegi mekeme basshysy Qarlyǵash Joldasovaǵa alǵysymdy bildire otyryp, balanyń balabaqshadan jaqsy tálim-tárbıe alǵanyn qalaımyn, sol úshin de aıanbaı eńbek etemin. Erkindikke jol beremin. Balanyń ózin erkin sezinýi onyń bárin bilýge degen talpynysy men qulshynysyn arttyrady», deıdi Jazıra Bolatqyzy aǵynan jarylyp.
Bala – pák, tap-taza móldir bulaqtyń bastaýy. Osy bulaqtyń kózin ashyp, tunyǵyna qaný úshin jyly júrek, aıaly alaqan, ár balany erteńgi el tulǵasy dep qurmetteý qajet desek, onyń adamı ar-ojdanyn, namysyn, minez-qulqyn qalyptastyrýda úlken ról atqaratyn Jazıra Bolatqyzyndaı tárbıeshilerdiń kóp bolǵany abzal.
Sózimdi qorytyndylaı kele, balalardyń boıyna tárbıe men bilim nárin sińirýge baryn salyp júrgen Roza Madenova basqaratyn №22 «Álem» balabaqshasynyń ujymyn ustazdar merekesimen quttyqtaımyz. О́skeleń urpaq tárbıeleýdegi óreli jumystary men ólsheýsiz eńbekteri úshin alǵys aıtamyz.
Baýyrjan YSQAQ,
ata-analar atynan
ASTANA
