Ábden qurǵap-qýrap turǵan dala shóbi boı bermeı janyp jatyr. Qatty ekpindi jel, taýly jerler órtti sóndirýde qıyndyq týdyryp tur. О́kinishke qaraı, órttiń saldarynan qaza tapqan, zardap shekkender bar.
О́rt sóndirý barysynda TJD О́rt sóndirý jáne apattyq-qutqarý qyzmetiniń birneshe qyzmetkeri men eriktilerdiń birin kúıik shalyp, olar aýdandyq aýrýhanaǵa jetkizildi. Taǵy bir zardap shekken órt sóndirýshi tikushaqpen Qaraǵandyǵa apardy.
О́rt ári kúsheıe túsip, ekinshi kúnge aýǵanda Pavlodar oblysyna qarasty Baıanaýyl aýdanynyń aýmaǵyn da sharpydy. О́rt sóndirýge «Qazavıaqutqarý» AQ-nyń tikushaqtary kómekke keldi.
Sondaı-aq órtti sóndirýge Qaraǵandy oblysy TJD men jergilikti atqarýshy organdarynyń kúshterinen 386 adam, 64 tehnıka, TJM men Qorǵanys mınıstrliginiń áskerı qyzmetkerleri men áýe kemeleri jumyldyryldy.
Qarqaraly aýdanynda 2 jyljymaly tamaqtaný pýnkti jasaqtaldy, olar azyq-túlik, zattaı jaraqtarmen qamtamasyz etildi. Sonymen qatar Qaraǵandy oblysy TJD 8 721 2 51 72 23 jedel jeli telefony jumys istep tur.
Qaraǵandy, Pavlodar oblystarynyń shekara aýmaǵyndaǵy órttiń jalpy aýdany 45 myń ga qurady. О́rt oshaǵyna jaqyn Baıanaýyl aýdanyna qarasty Jeltaý aýylynan 18 adam qaýipsiz jerge kóshirildi, onyń segizi – bala.
Tótenshe jaǵdaılar mınıstrliginiń komandalyq ortalyǵynda osy jaǵdaıǵa baılanysty arnaıy shtab quryldy. О́rt aýmaǵyna Tótenshe jaǵdaılar vıse-mınıstri Erlan Nurpeıisov pen Qaraǵandy oblysynyń ákimi Ermaǵambet Bólekpaev bardy.
О́rt kezinde azamattyq qorǵanys qyzmetiniń serjanty, 1991 jyly týǵan Qaırat Halı qaza tapty. Onyń áriptesteri 1994 jyly týǵan Saıan Kúmisbaev, 2000 jyly týǵan Oljas Álimhan, 1996 jyly týǵan Serikbaı Aqmedıch te zardap shekti. Kúıik shalyp, zardap shekkender shuǵyl túrde emdeý oryndaryna jetkizildi.
Qaraǵandy oblysynyń ákimi Ermaǵanbet Bólekpaev, onyń orynbasary Álibek Áldeneı, Saran qalasynyń ákimi Erkin Baýlyqov qaza tapqan órt sóndirýshiniń jaqyndaryna kóńil aıtyp, marqumnyń otbasyna jerleý is-sharalaryn ótkizýge barlyq qajetti kómek kórsetiletinin habarlady.
Qaraǵandy oblysy
