Shoqyr Bóltekuly týrnıri

Kaspıı teńizi jaǵalaýynda sa­rapqa salynǵan 12 bas júl­de­niń jeteýin jerlesterimiz je­ńip aldy. 54, 57 kg salmaqta Mańǵys­taý oblysynyń ókilderi Samat Jetibaev pen Joldas Jeńisovtiń mereı­i ústem boldy. Fınalda Samat Baǵlan Kenjebekovke (Jambyl) san soqtyrsa, Joldas Hýsrovhan Raqymovty (Tájikstan) utty. Asa jeńil salmaqta túrkistandyq Nurǵısa Tura­bekovtiń baǵy jandy. Sheshýshi tusta ol Jankúıer Pernebekti (Almaty oblysy) tize búktirdi. 86 kg salmaqtyń bas júl­desin de dál sol óńirdiń ókili oljalady. Ol – Bekbolat Ábdikerim. Aqtyq synda Bekbolat Telman Mámedovten (Almaty oblysy) basym tústi. 51 kg salmaq dárejesinde aktóbelik Bekzat Aldamjarov Nordrjan Myrzahmetovten, 80 kg salmaqtaǵy Dáýlet Tólemisov Sar­dor Shomuratovtan aılasyn asyryp, jeńis tuǵyrynyń eń bıik satysyna kóte­rildi. Jeńilgen jigitterdiń ekeýi de – О́zbekstannan. 60 kg salmaqta Jambyl ob­lysynyń jampozy Erhan Turlan erledi. Fınalda ol óziniń komandalyq áriptesi Baǵlan Kenjebekovti qapy qaldyrdy.

Bas júldeniń tórteýin О́zbekstannyń órenderi oljalady. Olar – Saıat Ilııasov (63,5 kg), Shahboz Iýnýsálıev (67 kg), Sıra­jatddın Hojahmetov (75 kg), Muz­rat­bek Tohırov (92 kg). 71 kg salmaqta Ázer­baıjannyń myqtysy Sarhan Álıevke eshkimniń áli jetpedi. Asa aýyr salmaqta da Kaspııdiń arǵy jaǵalaýynan kelgen Mahammad Abdollaevtyń asyǵy alshysynan tústi.

Aqtaýda jyl saıyn dástúrli túrde uıymdastyrylyp turatyn týrnırge Azııa boks konfederasııasynyń vıse-pre­­zıdenti Ázız Qojambetov, Ult­tyq qura­manyń memlekettik jat­tyq­­tyrý­shysy Aslan Egýbaev, Beıjiń Olım­pıada­synda qazylyq etken tanymal tóreshi Be­rikbol Qasymhanov, Mańǵystaý boksynyń ardagerleri Naǵashybaı Jarıev pen Baqyt Shapqan qurmetti qonaq retinde qatysty.