Eki bilim ordasy ashyldy

Áıteı aýyldyq okrýgi­niń aýmaǵynda ornalasqan «О́mir­zaq» turǵyn-úı kesheninde kópten kútken 900 oqýshyǵa arnalǵan jańa bilim oshaǵynyń saltanatty túrde ashylýyna Qarasaı aýdanynyń ákimi Jasulan Estenov, aýdan prokýrory Jánibek Jaqaev, sondaı-aq el maqtanyshy, Pa­rıj Olımpıdasynyń dzıýdodan qola júldegeri Ǵusman Qyrǵyzbaev pen ata-analar qatysty.

«Bul – aýdanymyzda ashyl­ǵan bilim mekemesiniń al­ǵashqysy emes. Atap ótsek,  bıylǵy oqý jylynyń alǵash­qy eki kúninde «Jaıly mektep» ulttyq jobasy aıasynda salynǵan Qoshmambet pen Eltaı aýyldarynda 1200 orynǵa arnalǵan zamanaýı úlgidegi 2 mektep ǵımaraty paıdalanýǵa berilgen edi. Endi mine, «О́mirzaq» shaǵyn aýdany men Dolan aýylynan sý jańa mektepterdiń qurylysy aıaqtalyp, paıdalanýǵa beri­lýiniń nátıjesinde aýdanymyzda sońǵy eki jylda úsh­aýysymdyq mektepterdiń sany 12-den 3-ke kemidi. Atalǵan bi­lim mekemesiniń qurylysyn merdiger «AQ orda»  jaýapker­shiligi shekteýli seriktestigi júrgizdi. Mektep  ǵımaraty zamanýı úlgide sa­lynǵan jas urpaqtyń sapaly bi­lim alýyna tolyqqandy múm­­kin­dik jasalǵan. Mate­rıal­dyq-tehnıkalyq bazasy joǵa­ry deńgeıli talaptarǵa saı keledi», degen Qarasaı aýda­nynyń ákimi Jasulan Estenov mektep ujymyn, ata-analar men ustazdar qaýymyn jańa ǵımarattyń ashylýymen quttyqtap, mekemeniń boı kóterýine jaýapty bolǵan kompanııa qurylysshylaryna alǵys aıtty. Sondaı-aq aýdan ákimi óz sózinde atalǵan mektepte sanaly urpaq tárbıelenip, memlekettiń maqtanyshy bolatyn balalar bilim alatynyna senim bildirdi.

Jıyn sońynda ǵımaratty salǵan «AQ orda» JShS-niń dırektory Erbol Manapov saltanatty túrde mekemeniń kiltin mektep ujymyna tabys etse, aýyl aqsaqaly aq batasyn berdi.

Aıta keteıik, О́mirzaq orta mektebi 900 oqýshyǵa arnal­ǵan. Úsh qabatty. Ishi tolyqtaı zamanaýı turǵyda jabdyq­talǵan. Mektep qurylysyna 3 mlrd 700 mln teńge shamasynda qarjy jumsalǵan. Bu­ǵan deıin Áıteı aýylynyń B.Qosynov atyndaǵy orta mektepke «О́mir­zaq» shaǵyn aýdanynan 400 bala qatynap oqysa, endi jańa mektepke barady.

«Kóship kelgeli jeti jyl boldy. Osy arada mektep salynady degendi estigenimizben, senbegen edik. Eki jyldyń ishinde eńseli ǵımarat boı kóterip, qýantyp otyr. Búginge deıin qanshama bala mektepke tasymaldanyp oqyp keldi. Qys kúnderi ata-analarǵa qıyn edi. Osy másele túbegeıli sheshildi. Balasynyń úı janyndaǵy mektepke kirip jatqanyn kórip, qýanyshtan kózge jas alyp jatqany da bar», deıdi shaǵyn aýdan turǵyny Joldasbek Mámbetov.

Al aýdandyq bilim bóli­min­degiler jańa mektepte 600-ge jýyq bala sabaq bas­tap jat­qanyn aıtady. «Bul jerde bu­­ryn mektep bolmaǵan. Sol se­bepti oqý­shy­lar Áıteı aýy­lyn­daǵy Qosynov mek­tebine ta­symalmen oqıtyn. Búgin  úlken másele sheshildi. Bul aldy­men bala­lardyń ómiri men densaýlyǵynyń qaýip­sizdi­gin qamtamasyz etedi. Kúre jol­dan ótip, jan-jaqqa qaty­nap oqyp júrgen balanyń bá­ri bú­gin osy mektepke keldi. Aýda­­nymyzdaǵy úsh aýysym máse­­lesi taǵy bir mektepke azaı­­dy», deıdi aýdandyq bi­lim bó­li­miniń basshysy Ásel Erkinbaeva.

Kelesi kúni Almaty oblysy Qarasaı aýdanynyń Dolan aýylynda taǵy bir eńsesi bıik, zamanaýı tehnologııamen jab­dyqtalǵan 1200 oryndyq bilim ordasy qoldanysqa berildi. Osy­men oblysta «Jaıly mektep» ulttyq jobasy aıasynda 3-jaıly mektep boı kóter­genin aıryqsha ataǵan abzal. Ashylý saltanatyna aýdan­ǵa jumys saparymen kel­gen aı­maq ákimi Marat Sultan­gazıev arnaıy qatysyp, izgi tilegin bildirdi.

Almaty oblysy