Saqtandyrý salasynyń basym baǵyttary

Paneldik sessııalar sheńberinde qatysýshylar saqtandyrý naryǵyn retteý baǵyttaryn, apattyq saqtandyrý modelderin qurýdaǵy úzdik halyqara­lyq tájirıbelerdi, ómirdi saqtandyrý salasyn damytýdyń negizgi aspektileri men saqtandyrý salasyn sıfrlandyrýdy damytý joldaryn talqylady.

Agenttik Tóraǵasynyń orynbasary Marııa Hadjıeva óz sózinde saqtan­dyrý sektoryndaǵy jańalyqtar týraly aıtyp, salany damytýdyń negizgi baǵytta­ryn belgiledi.

Atap aıtqanda, sońǵy jyldary saqtandyrý ónimderiniń jelisi edáýir keńeıtildi, saqtandyrý ombýdsmanynyń daýlardy sotqa deıingi mindetti retteý rásimin engizýdi qosa alǵanda, tuty­nýshylardyń quqyqtaryn qorǵaýdy arttyrý mindetteri iske asyryldy. Saqtan­dyrýdy sıfrlandyrýdy damytýda aıtarlyqtaı progreske qol jetkizildi. Bıyldan bastap shaǵyn JKA boıynsha saqtandyrý jaǵdaılaryn jeńil retteý (Eýrohattama), sondaı-aq saqtandyrýdyń barlyq mindetti synyby boıynsha onlaın retteý qoldanylady.

«Búginde Agenttik úshin saqtan­dyrý uıymdarynyń qarjylyq ornyq­tylyǵyn qamtamasyz etý, saqtan­dyrý ónimderiniń tizbesin keńeıtý, sektordy sıfrlandyrýdy damytý men saqtandyrý qyzmetterin tutynýshy­lardyń quqyqtaryn qorǵaýdy arttyrý negizgi basym baǵyttar bolyp qala beredi», dep atap ótti Marııa Hadjıeva.

Saqtandyrý forýmy saqtandyrý salasyn damytýdyń perspektıvalyq baǵyttaryn aıqyndaý, tájirıbe, sarap­ta­malyq pikir almasý jáne jańa kásibı baılanystar ornatý úshin mańyzdy alańǵa aınaldy.