«Kezekte turǵandarǵa páter berý kezinde áleýmettik turmysy tómen top, az qamtylǵan otbasylar men jalǵyzbasty analarǵa basymdyq tanyttyq. Aldaǵy ýaqytta da turǵyndardy jańa baspanamen qamtý jalǵasady. Qazir «Samal» jáne «Bereke» shaǵyn aýdanynda turǵyn úı qurylysy júrip jatyr. Qurylys jumystary jyl sońyna deıin aıaqtalady. Sol kezde taǵy bir top turǵynǵa jańa baspana kiltin tabystaýdy josparlap otyrmyz», dedi Sh.Keıkın.
Jańa baspanaǵa ıe bolǵandardyń arasynda kópbalaly, erekshe bala tárbıelep otyrǵan otbasylar, tolyq emes otbasylar, ata-anasynan aıyrylǵandar bar. Olar «Modern» turǵyn úı kesheninen 2, 3 bólmeli páterge qonystanady. Jańa qonysqa kóship, qýanǵandardyń biri – Ámire Jangereev. Birinshi toptaǵy múgedek 16 jyldan beri turǵyn úı kezeginde tur eken.
«Osy kúndi uzaq jyldar boıy zaryǵyp kúttim. Turýǵa jaıly baspanań bolǵanǵa ne jetsin. Qýanyshymda shek joq. Páterdiń ishi keń, jaryq, ómir súrýge qolaıly eken», dedi Á.Jangereev.
Atyraý oblysy
