Foto: shutterstock.com
Temirtaý qalasy Ýálıhanov kóshesinde ornalasqan páterlerdiń birinen polıseıler men TJM qyzmetkerleri úsh adamnyń máıitin tapqan. Úı turǵyndary ıtterdiń únemi úrip, qyńsylaıtynyna, sondaı-aq páterden sasyq ıis shyǵatynyna shaǵymdanǵan.
Anyqtalǵandaı, páterden bir áıel adam men eki er jigittiń máıiti tabylǵan.
«Biz áıeldiń qaterli isikke shaldyqqanyn bilemiz. Itterdiń marqum adamdardyń betin tistep alǵany anyq, biraq kóp emes», dedi marqum áıeldiń kórshisi.
Qaraǵandy oblysynyń polısııa departamenti úsh adamnyń ólimine qatysty qylmystyq is qozǵalǵanyn habarlady.
«Máıitterden zorlyq-zombylyqtyń belgileri tabylǵan joq. Olardyń ólimine qatysty qylmystyq is qozǵaldy. Oqıǵanyń mán-jaıyn anyqtaý úshin tergeý amaldary júrip jatyr», dep habarlady oblystyq PD.
