Foto: TJM
Iri alqaptaǵy órtti sóndirýge Tótenshe jaǵdaılar mınıstrliginiń áýe avıasııasy jumyldyrylǵan.
Áýeden aerovızýaldy barlaý jumysy kezinde Qurmanǵazy aýdanynan 43 km qashyqtyqta 5 ga aýmaqta qamystyń byqsyp jatqany baıqalǵan. Sonymen qatar atalǵan aýdannan 20 km shaqyrym jerde 3 ga aýmaqta qamystyń janyp jatqany anyqtaldy.
«Keshe saǵat 17:00-den beri «Qazavıaqutqarý» AQ MI-8 tikushaǵynyń sý tógý qurylǵysy arqyly áýeden janý oshaqtaryna 30-dan astam tonna sý tógildi. Búgin 8 qazanda qamys órtin sóndirý jumystary jalǵasyp jatyr», delingen Tótenshe jaǵdaılar mınıstriniń habarlamasynda.
TJM dereginshe, eldi mekenge órttiń taralý qaýpi joq. Oblys aýmaǵyndaǵy órt jaǵdaıyna monıtorıng jasalyp, erekshe baqylaýǵa alynǵan.
