Áriptesimen áńgimelesti

Májilis Tóraǵasy Qa­bı­bolla Jaqypov bizdiń elimizde saparmen júrgen Qyr­ǵyzstan Jogorký Kene­shiniń Tóraǵasy Asyl­bek Jeenbekovpen kezdesti, dep habarlady Májilistiń baspasóz qyzmeti. Júzdesýde saýda-eko­no­mıkalyq qatynastardy ny­ǵaıtý, parlamentaralyq ynty­maqtastyqty tereńdetý, sondaı-aq, memleketter arasyndaǵy kelisimdik-zańnamalyq bazany jetildirý týrasynda áńgime qozǵaldy. Ásirese, Qyrǵyz Respýblıkasynyń EAEO-ǵa kirýi jóninde kelisimdi ratıfıkasııalaýdy jedeldetýdiń mańyzdylyǵyna kóńil bólindi. Eki el arasyndaǵy ynty­maq­tastyqtyń strategııalyq mańyzdylyǵyna nazar aýdara kelip, Qabıbolla Jaqypov Elbasy bastamashy bolǵan 5 ınstıtýttyq reforma týraly jáne «100 naqty qadam – Ult­tyq jospary» týraly baıandady. A.Jeenbekov óz keze­ginde Qazaqstan Prezı­den­tiniń kóregendigi men qazaq­stan­dyqtardyń bereke-birli­giniń arqasynda kelgen zor tabystarǵa toqtalyp, bizdiń elimizdiń alǵa qoıǵan aýqymdy maqsattarǵa ýaqytynan buryn jetetinine senim bildirdi. A.Jeenbekov óz sózinde: – Qazaqstan – damýdyń, beıbitshilik pen turaqtylyqty saqtaýdyń jarqyn úlgisi, – dedi. EKSPO-2017 kórmesine de kóńil bólgen mártebeli meı­man bizdiń elimizdiń áleýe­tin pash etýdiń aıryqsha múm­kin­digi ekenin aıtyp, oǵan Qyr­ǵyzstannyń da belsene qaty­satynyn jetkizdi.