ASTANA. 28 qańtar. Ispanııa men Slovakııada ótip jatqan qysqy Ýnıversıadada elimizdiń qorjynyna taǵy bir medal tústi. Bes shaqyrymdyq sprınterlik jarysta shańǵyshymyz Anastasııa Slonova márege ekinshi jetip, moınyna kúmis medal taqty. Bul týraly egemen.kz habarlady.
Slovakııanyń Shtrebske Pleso qalasynda ótken saıysta Nastıa tek reseılik Oksana Ýsatovaǵa jol berdi. Oksana 5 shaqyrymdy 13 mınýt 09,5 sekýnd aralyǵynda júrip ótti. Al Slonova qarsylasynan 18,1 sekýndqa qalyp qoıdy. Qola júlde taǵy bir reseılik shańǵyshy Lılııa Vasılevanyń enshisinde. Ol márege chempıonnan 21,9 sekýnd keshigip jetti.
Aıta keter jaıt, bul qashyqtyq boıynsha Nastıadan bólek taǵy bes sportshymyz jarys jolyna shyqty. Olardyń kórsetkishi tómendegideı:
Anna Stoıan 6-oryn (+48,8);
Vıktorııa Lanchakov 9-oryn (+52,0);
Olga Mandrıka 14-oryn (+1:02,7);
Tatıana Osıpova 16-oryn (+1:06,5);
Marına Matrosova 24-oryn (+1:21,2).
Jarystyń alǵashqy kúni qorjynymyzǵa birden eki altyn medal túsken edi. Onyń bireýin sprınterlik saıysta Anastasııa Slonova oljalaǵanyn aıta keteıik. Búgingi tańda enshimizde barlyǵy 2 altyn jáne 1 kúmis medal bar. Atalmysh úsh júldemen jalpykomandalyq esepte Reseıden keıin ekinshi satyda kelemiz. Soltústik kórshimizdiń qorjynynda búginde 6 altyn, 8 kúmis jáne 8 qola medal bar. Al beıresmı eseptegi úzdik úshtikti 1 altyn, 1 kúmis jáne 1 qola medalmen Polsha túıindep tur.
Ýnıversıada 24 qańtarda bastalǵan bolatyn. Sodan beri joǵaryda atalǵan úsh elmen qatar, Slovakııa, Bolgarııa, Ýkraına, Germanııa, Japonııa jáne Chehııa memleketteriniń sportshylary júldege ilikti.
Elaman Qońyr.
Derek: egemen.kz.
Sýret: tatry2015.sk.
ASTANA. 28 qańtar. Ispanııa men Slovakııada ótip jatqan qysqy Ýnıversıadada elimizdiń qorjynyna taǵy bir medal tústi. Bes shaqyrymdyq sprınterlik jarysta shańǵyshymyz Anastasııa Slonova márege ekinshi jetip, moınyna kúmis medal taqty. Bul týraly egemen.kz habarlady.
Slovakııanyń Shtrebske Pleso qalasynda ótken saıysta Nastıa tek reseılik Oksana Ýsatovaǵa jol berdi. Oksana 5 shaqyrymdy 13 mınýt 09,5 sekýnd aralyǵynda júrip ótti. Al Slonova qarsylasynan 18,1 sekýndqa qalyp qoıdy. Qola júlde taǵy bir reseılik shańǵyshy Lılııa Vasılevanyń enshisinde. Ol márege chempıonnan 21,9 sekýnd keshigip jetti.
Aıta keter jaıt, bul qashyqtyq boıynsha Nastıadan bólek taǵy bes sportshymyz jarys jolyna shyqty. Olardyń kórsetkishi tómendegideı:
Anna Stoıan 6-oryn (+48,8);
Vıktorııa Lanchakov 9-oryn (+52,0);
Olga Mandrıka 14-oryn (+1:02,7);
Tatıana Osıpova 16-oryn (+1:06,5);
Marına Matrosova 24-oryn (+1:21,2).
Jarystyń alǵashqy kúni qorjynymyzǵa birden eki altyn medal túsken edi. Onyń bireýin sprınterlik saıysta Anastasııa Slonova oljalaǵanyn aıta keteıik. Búgingi tańda enshimizde barlyǵy 2 altyn jáne 1 kúmis medal bar. Atalmysh úsh júldemen jalpykomandalyq esepte Reseıden keıin ekinshi satyda kelemiz. Soltústik kórshimizdiń qorjynynda búginde 6 altyn, 8 kúmis jáne 8 qola medal bar. Al beıresmı eseptegi úzdik úshtikti 1 altyn, 1 kúmis jáne 1 qola medalmen Polsha túıindep tur.
Ýnıversıada 24 qańtarda bastalǵan bolatyn. Sodan beri joǵaryda atalǵan úsh elmen qatar, Slovakııa, Bolgarııa, Ýkraına, Germanııa, Japonııa jáne Chehııa memleketteriniń sportshylary júldege ilikti.
Elaman Qońyr.
Derek: egemen.kz.
Sýret: tatry2015.sk.
