«Qazaqstandyq atom elektr stansalary» JShS joǵary synyp oqýshylary arasynda qyzyqty ǵylymı oıyn uıymdastyrdy. Ondaǵy maqsat ǵylymnyń bolashaǵy zor salasy – ıadrolyq fızıka men atom energetıkasy týraly jastardy habardar etý. Sondaı-aq ǵylym men bilim, tehnıka men zamanaýı tehnologııaǵa degen qyzyǵýshylyqty arttyrý maqsatymen «XXI ǵasyr kóshbasshysy» teleshoýy formatymen «Atom danyshpany» ıntellektýaldy oıynyn usyndy. «Júırikten júırik ozar jarysqanda» demekshi, osy baǵytta synǵa túsip iriktelgen elordanyń eń zerdeli 6 oqýshysy óz bilimin sarapqa saldy.
«Atom danyshpany» ıntellektýaldy oıynynyń sátti ótkenine qýanyshtymyz. Qatysýshylardyń daıyndyq deńgeıi tańǵaldyrady. Bul jastar arasynda atom energetıkasyna degen qyzyǵýshylyqtyń artyp kele jatqanyn ańǵartsa kerek. Buǵan qarap, salanyń bolashaǵy senimdi qolda ekenine kóz jetkizdik», dedi qazylar alqasynyń múshesi, «Qazaqstan atom elektr stansalary» JShS bas dırektory Tımýr Jantıkın.
Energetıka mınıstrligi «Atom energetıkasy jáne ónerkásip» departamentiniń dırektory Ǵumar Serǵazınniń aıtýynsha, mundaı is-shara óskeleń urpaqtyń ǵylymǵa degen qyzyǵýshylyǵyn arttyryp, osy salanyń damýyna zor septigin tıgizedi. Sondyqtan bul ıntellektýaldy oıyndy jyl saıyn dástúrli túrde ótkizýdi josparlaǵan.
«О́reni ósirip, oı-órisińdi keńeıtetin ıntellektýaldy oıynǵa qatysý maǵan úlken tájirıbe boldy. Men búgin ıadrolyq energııa tek radıasııaǵa ǵana emes, elimizdiń jalpy bolashaq damýyna da tikeleı qatysy bar ekenine kóz jetkizdim. Bul meni osy salany tereńirek zertteýge shabyttandyrdy», dedi oıynǵa qatysýshy Janel Naýfılova.
Is-shara sońynda qatysýshylar oıyn seriktesi «Qazatomónerkásip» UAK» AQ baǵaly syılyqtarymen marapattaldy. Bas júldeni «Zerde» mektebiniń 9-synyp oqýshysy Belqoja Aspet jeńip alyp, «Atom danyshpany» atandy. Jas atom danyshpanyna «Iаdrolyq fızıka ınstıtýty» RMK tarapynan Astana fılıalynda ǵylymı taǵylymdamadan ótýge arnaıy joldama berildi. Odan bólek, barlyq qatysýshylar Kýrchatov qalasyndaǵy «Ulttyq ıadrolyq ortalyqqa» baryp ınjenerler jumysymen tanysady.
Bilim báıgesiniń bas júldegeri fızıka ǵylymyna, onyń qudiretti tarmaǵynyń biri – atom energetıkasyna den qoıǵanyna birneshe jyl ótkenin aıtty. «Bolashaqtyń senimdi energııa kózi, sarqylmas qýat kúshi – atom energetıkasy. Elimizde ýran qory mol. Sony biliktilikpen eń bıik deńgeıine deıin ıgerip, halyq qajetine tıimdi jaratýdy bilýimiz kerek», dedi jas fızıkterdiń eń bilgiri.
«QAES» JShS elde AES salý boıynsha jumysty uıymdastyrý men ony jobalaý aldyndaǵy, sondaı-aq jobalaý qujattamasyn ázirleýdi qamtamasyz etý maqsatynda qurylǵan. Bularmen birge, atom ónerkásibi men atom energetıkasy nysandary arhıtektýrasyn damytý, olarǵa ınjenerlik zertteýlerdi ázirleý, salada tehnıkalyq keńes berý, atom energııasyn beıbit maqsatta paıdalanýdaǵy ǵylymı tujyrymdar men tájirıbelik ázirlemeler daıyndaıdy.
