Sýretti túsirgen – Erlan OMAR, «EQ»
Dástúrli túrde ótetin is-sharaǵa densaýlyq saqtaý, ońaltý mamandary jınaldy. Eldegi medısına mamandarynan bólek Reseı, Ázerbaıjan, О́zbekstan, Túrkııa, Eýropanyń birneshe elinen delegattar keldi. Olardyń ishinde ǵylymı-zertteý ınstıtýttarynyń, ońaltý ortalyqtarynyń, sanatorıılik-kýrorttyq uıymdardyń ókilderimen qatar, jetekshi farmasevtıkalyq kompanııalar, medısınalyq jabdyqtardy óndirýshi taraptar bar. Osy joly «Shıpajaı-2024» forýmy Jambyl oblysyndaǵy «Merki» sanatorııinde ótti. Is-sharaǵa kelgen qonaqtarǵa pasıentterdiń ómir súrý sapasyn uzartýǵa, jaqsartýǵa yqpal etetin óńirdiń biregeı tabıǵı resýrstarymen etene tanysýǵa múmkindik týdy. Forýmnyń ashylý saltanatynda Densaýlyq saqtaý mınıstri Aqmaral Álnazarova sóz sóılep, ońaltý is-sharalaryn jetildirýge úles qosyp júrgen medısına mamandaryna tabys tiledi.
«Elimizde sanatorıılik-kýrorttyq emdeý jańa deńgeıge kóterilip kele jatyr dep senimmen aıtýǵa bolady. Biz Densaýlyq saqtaý mınıstrligine qarasty kýrortologııa jáne medısınalyq ońaltý ǵylymı-zertteý ınstıtýtyn qurdyq. Búgin forýmǵa sol ınstıtýttyń mamandarymen qatar sala ǵalymdary, sarapshylar jıylyp otyr. Basqosýda aıtylǵan usynystar, oı-pikirler osy baǵyttaǵy jumystardy shırata túsedi», dedi A.Álnazarova.
Forýmda elimizdiń densaýlyq saqtaý strategııasyna, onyń ishinde sanatorıılik-kýrorttyq salanyń róline basymdyq berildi. Plenarlyq sessııa, eki seksııalyq otyrysta sanatorıılik-kýrorttyq emdeýdi damytýdyń ózekti máseleleri, halyqaralyq ońaltý praktıkasy, tabıǵı emdik faktorlardy qoldaný múmkindikteri talqylandy. Saýyqtyrýdyń tıimdi ádisterine, pasıentterdi emdeýde tabıǵı resýrstardy paıdalanýǵa, sondaı-aq ońaltý ortalyqtarynda medısınalyq kómekti uıymdastyrýǵa erekshe nazar aýdaryldy.
«Shıpajaı» forýmy týraly az-kem aqparat bere ketsek, forým alǵash 2016 jyly uıymdastyryldy. Oǵan elimizdiń, shetelderdiń sanatorıılik-kýrorttyq mekemeleri qatysty. Sodan beri tabysty bastama úzilmeı, jyl saıyn ótip keledi. Osy aralyqta forým salany jetildirýge úles qosyp júrgen taraptarǵa qolaıly biryńǵaı aqparattyq alańǵa aınalyp úlgerdi. Muny Kýrortologııa jáne medısınalyq ońaltý ǴZI dırektory Saıagúl Qaıyrgeldınanyń forýmda sóılegen sózinen ańǵardyq. Ol ortaq maqsatta kýrortologııa ınstıtýttarymen, basqa da halyqaralyq qurylymdarmen tyǵyz baılanys ornaǵanyn aıtty.
Basqosýda forým qatysýshylary usynys-talqylardy eskere otyryp, sanatorıılik-kýrorttyq salany damytýdyń memlekettik strategııasyn ázirleý qajettigi týraly qarar qabyldady. Qararda ınvestısııa tartýǵa qolaıly jaǵdaı jasaý, salany retteıtin zańnamalyq, normatıvtik-quqyqtyq bazany jetildirý, tabıǵı dárilik resýrstardy paıdalana otyryp, aldyn alý, emdeý standarttaryn ázirleý máseleleri jan-jaqty qarastyrylǵan. Sondaı-aq qyzmet kórsetýdi avtomattandyratyn aqparattyq júıeni engizýge, bilikti kadrlardy daıarlaý maqsatynda ǵylymı, bilim berý uıymdarymen yntymaqtastyqty nyǵaıtýǵa basymdyq beriledi.
