Án alamany áýeledi

Án dodasynyń shymyldyǵy «Sary­jaılaý» kınotearynda ashyldy. Tórelik etýge kelgen Halyq ártisi, Memlekettik syılyqtyń laýreaty, professor Qaırat Baıbosynov:

– Men – Júsipbek Elebekovtiń al­ǵashqy shákirtiniń birimin. Jánibek Kármenov, qazir osynda otyrǵan Ǵalym Muhamedın de – tól shákirti. Kom­pozıtor Tursynǵazy Rahymov sál keıin­deý keldi. Júsekeń ómir boıy jı­na­ǵan ánderin bizge úıretti. Biz bárin muqııat boıymyzǵa sińirdik. Ol ki­siniń bir keremeti bárimizdiń bolasha­ǵymyzdy boljap ketti. Kimniń ánshi bolatyn, bolmaıtynyn dóp aıtatyn. Qazir sol Almatydaǵy estrada stýdııasy J.Elebekov atyndaǵy estrada-sırk kolledji dep atalady, – dedi baıqaý aldyndaǵy baspasóz máslıhatynda.

Dástúrli án dodasynda Astana, Almaty, Shymkent, Taraz qalalarynan, Jetisý, Batys Qazaqstan, Aqtóbe, Sol­tústik Qazaqstan, Pavlodar, Abaı, Aqmo­la óńirlerinen ónerpazdar kelip, baq synady. Ár óńirden iriktelip kel­gen kil myqty talan­tyn kórsetip, juldyzyn jaǵýǵa talpyndy.

Sonymen, án alyby Qaırat Baı­bosynov bastap, Qazaqstannyń eńbek sińirgen ártisi Ǵalym Muhamedın, Qa­zaqstannyń eńbek sińirgen qaıratkeri Jaqsygeldi Kemalov, Júsipbek Ele­be­kovtiń uly Estaı Elebekov, Má­de­nıet salasynyń úzdigi Talǵat Abý­ǵazın, «Qurmet» ordeniniń ıegeri Qaırat Kákimov, Mádenıet qaıratkeri Abylaı Qarmysov, «Qurmet» ordeniniń ıegeri Serjan Musaıyn syndy azamattar qazylyq qylyp, baǵasyn berdi.

Marapattaý rásimi kezinde oblys ákiminiń orynbasary Álibek Áldeneı júldegerlerdi quttyqtady.

Sonymen, Qazaq ulttyq ýnıver­sıtetiniń stýdenti Darııa Bekpenbetova, Qurmanǵazy atyndaǵy Qazaq ulttyq konservatorııasynyń stýdenti Ma­dııar О́mirǵalı, Qazaq ulttyq óner ýnı­versı­tetiniń stýdenti Sherhan Tuıaq, Jetisý oblysynan kelgen Sábınur Qaharman, Nur­muhan Jantórın atyndaǵy Atyraý oblys­tyq fılarmonııasynyń ánshisi Alıda Hýanova baıqaýdyń dıplomattary atandy.

Meıirhan Adambekov atyndaǵy arnaıy syılyqqa Temirbek Júrgenov atyndaǵy Qazaq ulttyq óner akademııa­synyń stýdenti Baqtııar Oral laıyq dep tanyldy. Úkili Ybyraı atyndaǵy Aqmola oblystyq fılarmonııasynyń ánshisi О́mirhaq Sheshhan Manarbek Erjanov atyndaǵy arnaıy syılyq­tyń ıegeri atandy. Ǵabbas Aıtbaev atyn­daǵy arnaıy syılyq Qazaq ult­tyq kon­servatorııasynyń stýdenti Nur­dana Sálimhanǵa, Qalı Baıjanov atyn­daǵy júlde Qazaq ulttyq kon­ser­va­torııa­synyń stýdenti Aıbek Tát­timbekke buıyrdy. Igilik Omarov atyndaǵy arnaıy syılyq Qazaq ult­tyq óner ýnı­ver­sıtetiniń stýdenti Aqnıet Ser­ǵazı­naǵa, Rymtaı Bódesov atyndaǵy arnaıy syılyq Qurmanǵazy atyndaǵy Qazaq ulttyq konservatorııasynyń stý­denti Uljan Ábilhasımovaǵa tabystaldy.

Júldeli úshinshi orynǵa Temirbek Júrgenov atyndaǵy Qazaq ulttyq óner akademııasynyń stýdenti Arýjan Saǵyndyq, Buqar jyraý aýdanynan qatys­qan Qýandyq Tókenov, Qur­man­ǵazy atyndaǵy Qazaq ulttyq kon­serva­torııasynyń stýdenti Sáýlet Aman­ǵazın laıyq dep tanyldy. Al ekinshi oryndy Temirbek Júrgenov atyn­daǵy Qazaq ulttyq óner akademııasynyń stýdenti Aıda Sraıl, Nurmuhan Jan­tórın atyndaǵy Atyraý oblystyq fılar­monııasynyń ánshisi Jasulan Bazarbaev aldy. Birinshi oryn Qazaq ulttyq ýnıversıtetinen kelgen Kamal Maı­danovqa buıyrdy. Al aıtýly án baı­qaýynyń bas júldesin Qazaq ulttyq óner ýnıversıtetiniń stýdenti Bek Myńbaı jeńip aldy.

Qaraǵandy oblysy