PAVLODAR. 28 qańtar. «Pavlodar oblysy ákiminiń Kýbogi úshin» shahmattan halyqaralyq týrnır ótýde. Bul týraly egemen.kz tilshisi habarlady.
Týrnırdi oblys ákimdigi, dene tárbıesi jáne sport basqarmasy, oblystyq shahmat federasııasy uıymdastyrypty. Reseı, Belorýs, Avstralııa, Mysyr, AQSh jáne óz elimizden halyqaralyq dárejedegi grossmeısterler, ár jyldardaǵy chempıondar keldi. Jarysqa ár túrli jastaǵy shahmatshylar qatysýda. Olardyń qatarynda Aleksandr Halıfman, Amerıkanyń tórt márte chempıony Hýlıo Granda Zýnıga, Alekseı Aleksandrov, Afrıka olımpıada oıyndarynyń úsh márte chempıony, Ahmed Adlı bar. Al elimizdiń namysyn halyqaralyq grossmeısterler, Azııanyń tórt márte chempıony Evgenıı Vladımırov, Azııanyń tórt márte chempıony, pavlodarlyq Pavel Kosýr, Azııanyń úsh márte chempıony Petr Kostenko, halyqaralyq grossmeıster, Azııanyń úsh márte chempıony Ánýar Ismaǵametov, Azııanyń úsh márte chempıony Rınat Jumabaev qorǵaıdy. Qazir mysyrlyq Adlı Ahmet pen qazaqstandyq shahmatshy Petr Kostenko 2,5 upaı jınap, kósh bastap tur.
Týrnır 9 týrdan turatyn aınalma júıe boıynsha ótýde. Baqylaý ýaqyty: birinshi júristen bastap ár júris úshin 10 sekýnd qosymsha ýaqytpen partııa aıaǵyna deıin - 15 mınýt. Jarys halyqaralyq shahmat federasııasynyń erejesi boıynsha ótkizilýde. Týrnırdiń júlde qory 3 mıllıon teńge. Jarys 30 qańtarǵa deıin jalǵaspaq.
Farıda Byqaı.
Derek: egemen.kz.
Sýret: egemen.kz.
