Foto: arnapress.kz
Oblystyq Tótenshe jaǵdaılar departamentiniń habarlaýynsha, qaza tapqan balalar 2016, 2018, 2019, 2022, 2023 jyly týǵan. Úıde qaraýsyz qalǵan balalardyń ishinde 2011 jyly týǵan jasóspirim ǵana aman qalǵan.
«Búgin saǵat 04:29-da Jitiqara qalasyndaǵy jeke sharýa qojalyǵynyń aýmaǵynda órt shyǵyp, saldarynan turǵyn úıdiń shatyry opyrylyp tústi. Qutqarýshylar oqıǵa ornyna 7 mınýt ishinde jetti, úı tolyǵymen órtke orandy. Jalyn saǵat 06:08-de aýyzdyqtalyp, tolyǵymen sóndirildi. Aldyn ala málimet boıynsha, balalardyń anasy keshkisin tanysyna ketken. Kúıeýi túrmede otyr», delingen oblystyq TJD habarlamasynda.
Oblystyq prokýratýra órt peshtiń ashyq qalýynan bolýy múmkin ekenin málimdedi. Al jergilikti atqarýshy organ marqumdardyń týystaryna qajetti kómek kórsetiletinin jetkizdi.
TJD mamandary órttiń naqty sebebin anyqtaý úshin órt-tehnıkalyq zertteý júrgizedi.
