Jyl basynan beri Jambyl oblysynda kámeletke tolmaǵan jasóspirimderdiń úı̆den ketýiniń 242 deregi tirkeldi, olardyń 215-i kezekshi táýlikte tabyldy, qalǵandarynyń turǵylyqty jeri birneshe táýlik ishinde anyqtaldy.
Statıstıkalyq taldaý nátıjeleri kórsetkendeı̆, jasóspirimderdiń óz betinshe úı̆den ketýiniń negizgi sebepteri – otbasyndaǵy janjaldar, ata-analardyń jumys bastylyǵy. Nátıjesinde, balalardyń bos ýaqyty men baı̆lanys ortasyna qatysty baqylaýdyń bolmaýy, kámeletke tolmaǵandardyń bos ýaqytynyń durys uı̆ymdastyrylmaýy, kompıýterlik oı̆yndarǵa degen áýestik, otbasyndaǵy qolaı̆syzdyq jáne jasóspirimniń ózin-ózi baǵalaýy, ózin qurmetteýine, tótenshe, keı̆de qaýipti joldarmen tanylýǵa jáne baqylaýdan shyǵýǵa degen umtylysy.
Balalar naqty mekenjaı̆dy bilmeı̆, avtobýspen júrip nemese úı̆den uzap bara jatqanda adasyp ketý, kezdeı̆soq ketý jaǵdaı̆y sırek kezdesedi.
Máselen, 17 jastaǵy jasóspirim shkaftaǵy zattardy aqtaryp júrip, ájesiniń jasyrǵan aqshasyn taýyp alyp, oǵan uıaly telefon satyp alǵan. Muny bilgen ájesi nemeresine ursady, al ol renjip, úı̆den jasyryn ketip qalady. Polısııa jasóspirimdi tańerteń úı̆den 35 shaqyrym jerden tapqan.
Al 13 jasar bala ata-anasymen sabaqtan tómen baǵa alǵany úshin urysyp, eshbir eskertpesten, dosynyń úı̆ine qonady. Osyǵan qatysty ata-analarmen jáne kámeletke tolmaǵan jasóspirimdermen profılaktıkalyq áńgimeler ótkizildi.
Qazirgi tańda úı̆den ketken barlyq jasóspirimder tabylyp, ata-analaryna qaı̆taryldy. Balalarǵa qatysty ne olardyń qatysýymen jasalǵan qandaı̆ da bir qylmys jasaý faktileri olardy izdestirý kezeńinde tirkelmegen. Barlyq balalardy izdeýge tek polısııa qyzmetkerleri ǵana emes, eriktiler men osyǵan beı̆-jaı̆ qaramaı̆tyn belsendi azamattar da qatysty.
«Balalaryńyzǵa muqııat jáne abaı̆ bolyńyzdar, olardyń máselelerin birlesip sheshińizder, balańyzdyń áýestikteri men bos ýaqytyna qyzyǵýshylyq tanytý mańyzdy. Eger bala úı̆den óz erkimen ketip qalsa, onda siz onyń barlyq tanystary men dostaryna kidirtpeı̆ qońyraý shalýyńyz qajet. Onyń qandaı̆ kıimmen ketkenin jáne ózimen birge ne alǵanyn anyqtaýǵa tyrysyńyz», delingen aqparatta.
