Aımaqtar • 15 Qazan, 2024

Mańdaı terdiń jemisi

161 ret

kórsetildi

3 mın

oqý úshin

Kúzgi dala naýqany qyzyp tur. Baptap ósirgen bıdaıdy sońǵy dánine deıin jınap alý ala jazdaıǵy aýqymdy jumystyń mańyzdy bóligi. О́ńir dıqanshylary 749,5 myń gektar aýmaqqa egin ekken. Onyń 299,0 myń gektary – dándi daqyl, 295,8 myń gektary – maıly daqyl, 5,8 myń gektary – kartop, 5,4 myń gektary – kókónis, 143,5 myń gektary – jemshóp daqyldary.

Qýat QIYQBAI

Mamandardyń aıtýynsha, kóktem men jaz mezgilindegi aýa raıynyń qolaıly bolýy, topyraqtaǵy ylǵal qorynyń joǵarylyǵy dıqandarǵa jaıly múmkindik berdi. Búginde dándi, dándi-burshaqty daqyl alańynyń 90,8%-ǵa jýyǵy jınalyp bolǵan. Ortasha ónimdilik gektaryna 15,1 sentnerdi qurap, 409,7 myń tonna astyq bastyryldy. Bıdaı jınaý alańy 239,0 myń gektardy qurasa, dál qazirgi kúni 218,0 myń gektar aýmaqtan, 329,6 myń tonnadan astam ónim alyndy. Kartop egilgen 5,8 myń gektardyń 5,0 myń gektary jınaldy. Ortasha ónimdiligi – gektaryna 224,0 sentner. 5,4 myń gektarǵa egilgen kókónistiń 4,8 myń gektary jınalǵan. Ortasha ónimdilik – 230,3 sentner. Maıly daqyldardy jınaý jumystary da bastaldy. Búginde 11 myń gektardan 11 myń tonna ónim alynǵan.

Naýqan kezinde jeke sharýa ıeleriniń ótinimderine sáıkes, jeńildetilgen baǵamen 11,3 myń tonna dızel otyny bólingen. Qazir 4 myń traktor, 2,4 myń kombaın, qosymsha 700-den astam suranysqa ıe tehınkaka egin jınaý jumysyna aralasyp, qambalardy qazynaǵa toltyryp jatyr. Oblysta 206 myń tonna astyq syıǵyza alatyn qabyldaý kásiporyndary jumys isteıdi. Arnaıy lısenzııasy bar 4 elevator men jalpy saqtaý kólemi 870,9 myń tonna aýyl sharýashylyǵy taýaryn óndirýshilerdiń astyq qoımalary qyzý jumysqa kirisken.

«Saqtaý qoımalarynyń qýattylyǵy boljamdy egindi saqtaýǵa jetkilikti. Bıyl aýyl sharýashylyǵy daqyldarynyń ónim kólemin arttyrýǵa 49,0 myń tonna mıneraldy tyńaıtqysh engizildi. Kúzgi dala jumystary kestege saı júrip jatyr. Basqarmanyń tikeleı baqylaýynda turǵan taǵy bir másele – tórt túlikti qajetti azyqpen tolyq qamtamasyz etý. Oblys kóleminde ótpeli qaldyq eskerile otyryp, 1 720,0 myń tonna shóp, 48,8 myń tonna pishen, 85,1 myń tonna saban, 109,8 myń tonna kunarlandyrylǵan jem daıyndaldy», deıdi Abaı oblystyq Aýyl sharýashylyǵy basqarmasynyń basshysy Ertaı Múbarakuly.

Sý resýrstary mınıstrligimen birlesip 2024-2030 jyldarǵa arnalǵan sý únemdeý tehnologııalaryn qoldana otyryp, sýarmaly jerlerdi ulǵaıtý jospary ázirlengen.

Oblys kólemindegi 13 850 gektar alańda sý únemdeý tehnologııasyn qoldaný oıdaǵydaı júzege asyp, jańbyrlatý ádisimen 12 257 gektar, tamshylatý ádisimen 1 573 gektar qamtyldy. Aldaǵy ýaqytta sý únemdeý tehnologııasyn paıdalana otyryp 71 718 myń gektar alańda 20-dan astam jobany iske asyrý maqsat etilip otyr.

Abaı oblysy