Foto: polisia.kz
Al 8 qazan kúni qolǵa túskender oıyn-saýyq mekemelerine qylmystyq qamqorlyq kórsetken jastar toby ustaldy.
Kúdiktilerdiń bopsalaýmen qatar buzaqylyqqa jáne qarýdy zańsyz saqtaýǵa qatysy bar ekeni de anyqtaldy.
11 qazanda shymkenttik kásipkerlerdi bopsalaýmen aınalysqan qylmystyq toptyń músheleri qolǵa tústi. Olar ózderiniń qylmystyq qamqorlyǵy úshin úsh mıllıon teńgege deıin aqsha alǵan. Kelispegen jaǵdaıda fızıkalyq jáne moraldyq qysym kórsetken. Osy faktiler boıynsha ishki ister organdaryna barlyǵy 35 fıgýrant jetkizip, 100-den astam tintý sharasy júrgizilgen. Qarý-jaraq pen oq-dári tárkilengen.
«Shymkent qalasynda osy jyldyń 10 aıynda qylmystyq toptardyń jolyn kesý barysynda 30-dan astam atys jáne travmatıkalyq qarý, onyń ishinde bir Kalashnıkov avtomaty, 15 sholaq myltyq, 11 tapansha, eki vınchester jáne myńnan astam oq-dári tárkilendi», dedi IIM uıymdasqan qylmysqa qarsy departamentiniń ókili Qýandyq Alpys.
