Foto: inbusiness.kz
Búgingi Úkimet otyrysynda osy jyldyń 9 aıynda atqarylǵan jumystar qorytyndylandy.
Premer-mınıstrdiń orynbasary – Ulttyq ekonomıka mınıstri Nurlan Baıbazarovtyń aıtýynsha, óńdeý ónerkásibindegi ósim metallýrgııadaǵy óndiristi 8,3%-ǵa jáne mashına jasaýdaǵy óndiristi 4,2%-ǵa ulǵaıtý esebinen múmkin bolǵan.
Sonymen qatar hımııa ónerkásibindegi óndiris 9,5%-ǵa, elektr jabdyqtary 11,3%-ǵa, farmasevtıkalyq ónimder 15%-ǵa, metall buıymdary 31,1%-ǵa jáne jıhaz óndirisi 17,9%-ǵa artqan.
«Taý-ken ónerkásibindegi óndiris kólemi 1,2%-ǵa ósti. О́sim negizinen metall kenderin óndirýdi 7,7%-ǵa jáne tabıǵı gazdy 3,4%-ǵa ulǵaıtý esebinen qamtamasyz etilgen. Bul rette munaı óndirý 0,3%-ǵa, kómir óndirý 0,5%-ǵa qysqardy. Munaı óndirýdi esepke almaǵanda ekonomıkanyń ósimi ótken jyldyń tıisti bazasyna 4,5% deńgeıinde baǵalanatynyna nazar aýdarǵym keledi», dedi Nurlan Baıbazarov.
О́ńdeý ónerkásibinde Qyzylorda, Mańǵystaý, Túrkistan, Aqtóbe jáne Ulytaý oblystary kósh bastap tur.
