Foto: gov.kz
Endi Áleýmettik kodekske «áleýmettik aýdıt» uǵymy engiziledi. Osyǵan saı ataýly áleýmettik kómekti alýshylardyń múmkindikteri saralanady.
«Adam kómekke muqtaj ba, joq pa, oǵan jumys, tólemder jáne taǵy basqa qoldaý sharalary qajet pe, sonyń bárin áleýmettik aýdıt kórsetedi», dedi Svetlana Jaqypova.
Mınıstr osy tólemdi alýshylarǵa jumys qatar usynylatynyn jetkizdi. Azamat usynylǵan jumystan bas tartqan jaǵdaıda ataýly áleýmettik kómek te berilmeıdi.
«Biz ataýly áleýmettik kómekti taǵaıyndaımyz ǵoı. Oǵan qosa, jumys ta beremiz. Ol adam jumys istemeımin, «ASP» ǵana alamyn deıdi. Onda, keshirińiz, ataýly áleýmettik kómek taǵaıyndalmaıdy dep aıtamyz. Qazirgi kezde ondaı sharalar bar», dedi Eńbek jáne halyqty áleýmettik qorǵaý mınıstri.
