Foto: Vıdeoskrın
Jedel qutqarý jasaǵynyń mamandary arnaıy synaq tapsyryp, qyzmettik ıtterdiń is-áreketteri pysyqtaldy. Qutqarý qyzmetindegi ıtterdiń til alýy, shapshańdyǵy tekserildi. Sondaı-aq kınologtar tabıǵı ortada jáne qıraǵan ǵımarattarda izdestirý jumystaryn júrgizýden synaq tapsyrdy.
«Túrkııadaǵy jer silkinisi kezinde dál osy Rıga esimdi ıtimmen qutqarý jumystaryna qatystyq. Gazıantep qalasynda bul ıt apat kezinde úıindi astynda tiri qalǵan úsh adamdy taýyp, olardy aman-esen alyp shyqtyq. Bir otbasynyń músheleri eken. Jalpy tehnogendik apat aımaqtarynda kınolog-qutqarýshylardyń qyzmeti óte mańyzdy. Sondyqtan ıtterdiń izdeý qabiletin shyńdap, soǵan úıretemiz», deıdi kınolog Damır Gızatýllın.
