Foto: port-express.ru
Mınıstrliktiń habarlaýynsha, hatynda memlekettik tildiń mártebesi Qazaqstan Respýblıkasynyń Konstıtýsııasy men «Til týraly» Zańyna sáıkes joǵary turatyny jáne oǵan barlyq azamattyń qurmet kórsetýi kerektigi aıtylǵan.
Sonymen qatar fýtbol federasııasynan osy oqıǵaǵa túsinikteme berý jáne S.Cherchesovpen memlekettik tilge qurmet kórsetý týraly túsindirý jumystaryn júrgizý talap etilgen.
«Biz mundaı jaǵdaılardyń qaıtalanbaýyn qamtamasyz etý úshin federasııa tarapynan tıisti sharalar qoldanylýy kerek dep sanaımyz. Sondaı-aq Qazaqstan fýtbol federasııasy Mınıstrlikke baǵynysty uıym emes ekenin, tıisinshe onyń ishki máselelerine aralasa almaıtynyn, degenmen Qazaqstandaǵy sport saıasatyn qalyptastyryp, júrgizetin vedomstvo bolǵandyqtan, túsinikteme talap etýge quqyly ekenin qaperge salamyz», delingen mınıstrlik habarlamasynda.
Mınıstrlik osy jazba arqyly elimizdegi ózge federasııalardy da memlekettik rámizderge, ulttyq qundylyqtarǵa qurmetpen qaraýǵa jáne olarǵa qatysty orynsyz qaljyńnyń aldyn alýǵa shaqyratynyn eskertti.
