Bedeldi oqý ornynyń mereıli belesi

Konferensııanyń ashylý saltanatyna Premer-mınıstrdiń keńesshisi Eraly Toǵjanov, Pre­zı­dent Is basqarmasy Medı­sı­nalyq ortalyǵynyń basshysy Alekseı Soı, Dúnıejúzilik densaýlyq saqtaý uıymy eldik ofısiniń basshysy Skender Sola, Parlament depýtattary qatysty. Basqosýǵa otandyq medısınalyq ýnı­versıtetterdiń rektorlary, Túrkııa, О́zbekstan, Reseı, Nıderland, Belarýs, basqa da elderdiń medısınalyq joǵary oqý oryndarynan basshylary, mamandary shaqyryldy. Densaýlyq saqtaý mınıstri Aqmaral Álna­­za­rova ýnıversıtet tarıhyna toqtalyp, saladaǵy bet-bedelin atap ótip, aldaǵy joba-josparlaryna tabys tiledi.

– Astana medısına ýnı­versıtetiniń tarıhy 1964 jyly Selınograd memlekettik medısına ınstıtýtyn qurýdan bas­taldy. Ol keıinnen akademııaǵa, sosyn ýnıversıtetke aınaldy. Osy jyldar ishinde ýnıversıtet medısınalyq bilim men ǵylym salasynda kóshbas­shy boldy. Bilim berýdegi ın­no­va­sııa­lyq tásilder men joǵary standarttarǵa den qoıdy. Den­saýlyq saqtaý mı­nıstr­liginiń reformalary men bas­tamalaryn belsendi qoldady. Joǵary oqý oryny munymen toqtap qal­maıdy. Osy konferensııa aıasynda respıratorlyq medısına, júrek yrǵaǵy salasynda eki jańa ǵylymı-zertteý ınstıtýtyn ashý josparlanǵan. Sondaı-aq medısına qyzmetkerleriniń radıasııalyq qaýipsizdigi másele­le­ri jónindegi oqý ortalyǵy men referent-zerthana ashylady, – dedi mınıstr.

Medısına ýnıversıteti qu­­ryl­ǵan búgingi kúnge de­ıin 30 myńnan astam maman daıarlap shyǵardy. Olar joǵary dárejeli dárigerler, far­ma­sevt­­ter, meıir­ger­ler, den­saý­lyq saqtaý salasyn uıym­das­­tyrýshylardyń qataryn to­lyq­tyrdy. Ýnıver­sıtettiń ǵy­ly­mı qyzmetti damy­tý­ǵa qos­qan úlesi óz aldyna bir tóbe. Ýnı­versıtet janynda radıobıologııa jáne radıasııalyq qorǵaý, profılaktıkalyq medısına, radıologııa salasyndaǵy ǵyly­mı-zertteý ınstıtýttary bar. Onda medısınadaǵy mańyzdy zertteýler júrgiziledi.

Konferensııada Densaýlyq saqtaý mınıstri A.Álnazarova densaýlyq saqtaý salasynyń ardagerlerine, praktıkalyq dárigerlerge, ýnıversıtettiń oqytý­shy­lar quramyna «Eńbek ardageri» medalin, «Densaýlyq saqtaý isiniń úzdigi», «Den­saýlyq saqtaý salasyn damytýǵa qosqan úlesi úshin» tósbelgilerin tabys etti. Mı­nıstr medısına ǵylymdarynyń doktory, professor Salıdat Qaıyrbekova atyndaǵy stıpendııany Qo­­ǵam­dyq densaýlyq saqtaý mektebiniń 3-kýrs stýdenti Malıka Aıbe­kovaǵa tabys­tady.

Astana medısına ýnıver­sı­tetiniń rektory Kamaljan Nadyrov oqý ornyn, ǵy­lymdy damytý maqsatynda iske asyp jatqan jumysqa toqtaldy.

– Úsh jyl buryn biz Joǵa­­ry oqý orynyn zertteý ýnı­ver­sıtetine aınaldyrýǵa baǵyt­tal­ǵan jańa damý strategııasyn qabyldadyq. Bizdiń JOO janynda úsh ǵylymı-zertteý ınstıtýty tabysty jumys istep keledi. Zertteý qyzmetin damytýda ǵylymı qyzmetkerlerdi ǵana emes, sonymen qatar jas zert­­teýshi stýdentterdi de belsendi qoldaıtyn arnaıy ǵylym qoryn qurdyq. Densaýlyq saqtaý mı­nıstr­liginiń qoldaýymen Medipol University jetekshi eýro­palyq ýnı­versıtetiniń fılıalyn ashý­ǵa qatysty jumys jan-jaq­ty júrgizilip jatyr, – dedi K.Nadyrov.

Eki kúnge jalǵasqan konferensııada ınnovasııalyq emdeý ádisterinen bastap, me­dı­sınalyq bilim berýdegi ózekti máselelerge deıin qa­ral­­dy. Medısına mamandary densaýlyq saqtaý salasyna maman daıarlaý, ınnovasııalyq tehnologııalardy klınıkalyq praktıkada qoldaný, sıfrlandyrý, medısına ǵylymyn damytý keleshegin keń kólemde tal­qylady.