Sýret: ru.freepik.com
Qarjylyq monıtorıng agenttiginiń habarlaýynsha, agenttik qyzmetkerleri Pavlodar oblysynyń mektepke deıingi mekemelerinde ÁMAT baǵasyn negizsiz qymbattatý faktileriniń jolyn kesti. Júrgizilgen monıtorıng barysynda bir JShS óńirdegi 158 mektepke deıingi mekemeniń 108-iniń negizgi jetkizýshi bolǵany anyqtaldy.
Mektepke deıingi mekemelermen (balabaqshalarmen) jasalǵan sharttarda óndirýshi zaýyttan alǵan baǵadan ÁMAT-tyń túpkilikti tutynýshysyna deıingi baǵa aıyrmashylyǵy kózge urǵan. Máselen, kúnbaǵys maıy – 286% ústemaqymen (lıtrine 453 teńgeden 1 300 teńgege deıin), qaraqumyq jarmasy – 150% (kılosyna 240 teńgeden 600 teńgege deıin), qant – 93% (kılosyna 325 teńgeden 630 teńgege deıin), taýyq jumyrtqasy – 79% (ondyǵyna 430 teńgeden 770 teńgege deıin), tuz – 66% (kılosyna 60 teńgeden 100 teńgege deıin), kúrish – 36 % (kılosyna 490 teńgeden 670 teńgege deıin), sarymaı – 22% (kılosyna 2 075 teńgeden 2550 teńgege deıin).
«Qabyldaǵan sharalardyń nátıjesinde atalǵan JShS ákimshilik jaýapkershilikke tartyldy. Jetkizýshimen jasalǵan sharttar kúshin joıdy. Qazirgi ýaqytta mektepke deıingi mekemelerde ÁMAT jetkizý sharttary qaıta qaralyp, jańa kelisimsharttar jasasý máselesi qaralyp jatyr. Osylaısha, únemdelgen qarajat somasy 30 mln teńgeni quraıdy. ÁMAT taýarlaryna baǵa belgileýdiń deldaldyq shemalaryn tergeý jónindegi óńirlik komıssııalar sheńberinde agenttik bıýdjettik uıymdarǵa jetkiziletin azyq-túlik baǵasyna júıeli túrde monıtorıngileıdi», delingen habarlamada.
