Foto: prodengi.kz
Zań kommýnaldyq turǵyn úı qorynan nemese jergilikti atqarýshy organdardyń jeke sektordan jalǵa alýy arqyly muqtaj adamdarǵa turǵyn úı berýdiń negizgi birneshe sharalaryn qarastyrady. Jańalyqtardyń biri – buryn satyp alý quqyǵynsyz berilgen turǵyn úımen qosa, jalǵa beriletin turǵyn úıdi jekeshelendirý quqyǵy bolyp tabylady. Budan basqa, qujat «Otbasy bank» AQ-ny ulttyq damý ınstıtýtyna aınaldyrýdy kózdeıdi. Oǵan jergilikti atqarýshy organdardyń muqtaj jandarǵa arnalǵan turǵyn úıdi esepke alý men esepke qoıý jáne bólý jónindegi fýnksııalary beriledi.
Sondaı-aq О́nerkásip jáne qurylys mınıstrliginiń turǵyn úıge muqtajdardy esepke qoıý, memlekettik qoldaý sharalaryn iske asyrý jáne jeke sektordaǵy turǵyn úıge jaldaý aqysyn sýbsıdııalaý qaǵıdalaryn ázirleý jáne bekitý jónindegi ókilettikteri keńeıtilýde. Bul turǵyn úı saıasatyn neǵurlym tıimdi jáne ashyq basqarýdy qamtamasyz etýge múmkindik beredi. Odan basqa, zań turǵyn úıge muqtaj adamdardyń elektrondyq bazasynda esepte turǵan azamattardyń tizimderin aı saıyn jarııalaýdy kózdeıdi, bul usynylatyn qoldaý sharalarynyń ashyqtyǵy men jarııalylyǵyn arttyrýǵa yqpal etedi.
Senatorlar bul zań halyqtyń áleýmettik osal toptaryn qorǵaýda mańyzdy dep sanaıdy. Otyrys qorytyndysy boıynsha zańdy Palatanyń qaraýyna jiberý týraly sheshim qabyldandy.
