Foto: QR Kólik mınıstrligi
Atalǵan aksııa tarıhı-mádenı eskertkishterdi, sholý alańdaryn, kempıngter men jol boıyndaǵy qyzmet kórsetý nysandaryn qamtydy. Sóz etilgen nysandarda qoqystardy jınaý, aýmaqtardy tazartý jáne ınfraqurylymdy kútip-ustaý jumystary atqaryldy.
Respýblıkalyq naýqanǵa «QazAvtoJol» UK» AQ jáne «Jol aktıvteri sapasynyń ulttyq ortalyǵy» ShJQ RMK qyzmetkerleri, sondaı-aq olardyń óńirlerdegi fılıaldarynyń qyzmetkerleri qatysty.
Elimizdiń ár aımaǵynda tazalaý jumystaryn júrgizý úshin birneshe nysan tańdaldy. Máselen, Aqtóbe oblysynda jol qyzmetkerleri «Atyraý – Aqtóbe» avtomobıl jolynyń boıynda ornalasqan Eset batyr eskertkishi mańyndaǵy aýmaqty tazartý boıynsha senbilik ótkizdi.
Túrkistan oblysynda jolshylar Maqtaaral aýdanyndaǵy Alpamys batyr eskertkishin abattandyrdy. Soltústik Qazaqstan oblysynda «Astana – Petropavl» avtojolynda ornalasqan «S – 80 traktory» arhıtektýralyq nysany retke keltirilip, Shyǵys Qazaqstan oblysynda qazaqtyń tuńǵysh áskerı ushqyshy Jaqypbek Maldybaevtyń eskertkishi aımaǵynda senbilik ótkizildi.
