Foto: Astana qalasy ákimdigi
Astana qalasy Tótenshe jaǵdaılar departamenti bastyǵynyń orynbasary Madııar Myrzageldıev 20 qyrkúıekten bastap osy sanattaǵy baspanalar men jataqhanalardyń 714-i tekserilgenin aıtty.
Alda osyndaı 351 baspananyń jylý júıesindegi qaýipsizdigi tekserilmek.
Departamenttiń esebinshe, qazirgi ýaqytta aýlalardy aralaýmen tolyq qamtylǵan 750 áleýmettik osal toptaǵy otbasy bar. 168 úıde kómirtegi totyǵy datchıkteri ornatylǵan bolsa, qalǵan 582 úıde syrtqy tekserý jáne batareıalardy aýystyrý júrgizilgen.
«15 tamyzdan bastap jylytý kezeńine daıyndyq sheńberinde 4 265 úı profılaktıkalyq aralaýmen qamtyldy, 8 myńǵa jýyq buzýshylyq anyqtaldy (olardyń ishinde 24%-y jylytý júıelerine jáne 35%-y elektr energııasyna qatysty), onyń 2 150-i sol jerde túzetildi. Departament anyqtalǵan buzýshylyqtardyń oryndalýyn baqylaýdy qarastyrmaıtynyn atap ótken jón», dedi Madııar Myrzageldıev.
