Sýret: smartnews.kz
Memleket basshysy «Connected – 2024» – shyǵarmashylyq ıdeıalardy talqylaýǵa, bolashaqty boljaýǵa, sondaı-aq ozyq bilim men tájirıbe almasýǵa baǵyttalǵan biregeı joba ekenin atap ótti.
«Qazaqstan sheteldiń bedeldi joǵary oqý oryndarymen birlese otyryp, akademııalyq hab qurý jolynda belsendi jumys júrgizip keledi. Biz elimizdiń ǵylymı-ınnovasııalyq áleýetin arttyrý úshin berik negiz qalyptastyryp jatyrmyz. «Connected – 2024» konferensııasy osy maqsatqa jetýge septigin tıgizedi. Búgingi basqosý ǵalymdar men sarapshylardyń halyqaralyq baılanysyn bekemdeýge, bilim berý jáne adam kapıtalyn damytý salasyna tyń tásilder engizýge jol ashady dep senemin», delingen Memleket basshysynyń hatynda.
Eki kúnge josparlanǵan is-sharaǵa 20-dan asa elden 1,5 myńǵa jýyq delegat, sondaı-aq 100-den asa belgili ǵalymdar men álemniń jetekshi ýnıversıtetteriniń ókilderi qatysady. Konferensııa aıasynda bilim men ǵylymdy damytý jónindegi sheshimder usynylyp, talqylanatyn bolady.
T.Dúısenova Memleket basshysynyń tapsyrmasyna sáıkes, álemniń aldyńǵy qatarly 23 joǵary oqý ornynyń fılıaldary elimizde jumysyn bastaǵanyn atap ótti. Vıse-premer strategııalyq áriptesterge Úkimet atynan alǵys bildirip, bul qadamnyń negizgi maqsaty týraly aıtty.
«Birinshiden, halyqaralyq standarttarǵa saı oqý baǵdarlamasyn meńgergen, eńbek naryǵy suranysyna ıe joǵary bilikti kadrlardy daıyndaý, ekinshiden, oqý baǵdarlamalary jáne oqytý tehnologııalarynyń ozyq úlgilerin transfertteý, úshinshiden, ǵylym men ınnovasııalardy damytý maqsaty tur. «Jumyla kótergen júk jeńil» degen sóz bar. О́zara tıimdi jumys istep, aldymyzǵa qoıǵan maqsatymyzǵa birge jetemiz dep sanaımyn», dedi T.Dúısenova.
